د امریکې په شکاگو ښار کې د مسلمانانو یو لوې تنظیم اسلامک سوسایټي اف نارت امریکا یا اېسنا کلیزه غونډه روانه ده چې پکې د امریکې د مختلفو برخو نه د زرگونو په شمیره کې راغلي مسلمانان برخه اخلي.
په غونډه کې د اېسنا د مشرانو ترڅنگ د امریکې د قامي سلامیته وزیر جی جانسن هم شرکت او وینا وکړه. هغه تندوریۍ، ترهگرۍ، مسلمانانو خلاف د کرکې او په امریکا کې د میشته اقلیتونو په اړه خبرې وکړې.
جی جانسن چې د کابیني د کچې وړمبی چارواکی دی چې د اېسنا په غونډه کې يي شرکت وکړو. هغه وویل مسلمانان او اقلیتونه د امریکې د معاشري بنیادي ارکان دي.
د داعش په اړه خپلو خبرو کې جی جانسن وویل داعش یو امارت نه دی بلکه د ترهگرو داسې ډله ده چې د اسلام نوم يي یرغمل کړی دی او د اسلام د یو قدر هم پابندي نه کوي.
د اېسنا غونډه هرکال د امریکې په مختلفو برخو کې کولی شي چې پکې د ښځو، ځوانانو او ماشومانو دپاره مختلف پروگرامونه کیږي. په امریکا کې میشته مسلمانانو دپاره د موجود وخت مسایل او ددغه مسلو حل په اړه غور د کنویشن په بنیادي مقاصدو کې شامل وي.
د وي او ای ډیوه خبریالې ثمینه احسن سره په یوه خصوصي مرکه کې د اېسنا مشر اظهر عزیز د نومبر په میاشت کې د امریکې د نوي صدر د انتخاب، داعش او په صدارتي انتخاباتو کې د مسلمانانو د شرکت په اړه خبرې وکړې.
اظهر عزیز وویل ټول کال يي دا کوښښ کړی دی چې د مسلمانانو ټولنه په دې پوه شي چې په انتخاباتو کې ووټ اچول څومره اهمیت لري. "مونږ د مسلمانانو ټولنې نه غوښتنه کوو چې په لویه شمیره کې د ووټونو په ورځ راوځي او په انتخاباتو کې برخه واخليو" هغه وویل. "ځکه چې دا د یوشهري په حیث ددوي آئیني ذمه واري ده. مونږ ټول کال دا کوښښ کړی دی چې ووټونو دپاره د مسلمانانو نوم لیکنه وشي. "
اظهر عزیز وویل مسلمانانو ته پکار دي چې په لویه شمیره کې په انتخاباتو کې برخه واخلي، خپل نماینده گان منختب کړي او د جمهوریت په مظبوطولو کې برخه واخلي.
"اېسنا د سوشل میډیا د لارې په امریکا کې میشته مسلمانانو ته د خپل پیغام رسولو کوښښونه کوي او تنظیم د پنځه لکه نه زیاتو مسلمانانو ته د سوشل میډیا دلارې رسايي لري."
په امریکا کې په موجوده وخت کې د اسلام او مسلمانانو په اړه د ټولنې په څه برخه کې د ویرې او کرکې په اړه د اېسنا مشر وویل "د اسلام ویره یوازې ویره نه ده بلکه دا حقیقت دی."
خو هغه زیاته کړه چې که مسلمانانو د اسلام په اړه پوهه خورول غواړي نو پکار ده چې د خپل دین نه ځانونه خبر کړي. هغه وویل په یو منظم ډول د اسلام او مسلمانانو خلاف ویره او تشویش خورول کیږي او دا دنده ځېنې خلک د خپلو مفاداتو په خاطر کوي.
"مونږ ته معلومه ده چې د تیرو څو کلونو راهسې داعش لکه د یوې مسلې په توگه راپورته شوی دی،" داعش په اړه ښاغلي عزیز وویل. "د داعش وسله وال زمونږ د عالمانو ترمخه د جنهم د اور اوسیدونکې دي. ددوي په وجه دومره تشدد او خونریزي رامځنته شوي ده."
اظهر عزیز وویل په امریکا کې میشته د مسلمانانو ځوان کول داعش د تبلیغانو ته لري ساتلو په خاطر اېسنا ورته د اسلام تعلیم ورکوي او د یو امریکا شهري په توگه د هغوي د کردار په اړه ورته تربیت ورکړی کیږي.
