دخېبر پښتونخوا اسمبلۍ دغړو او عام ولس تر مينځه نېغ په نيغه داړیکو ټینګولو په عرض د بشري حقونو د پاره کار کونکي يو غير دولتي سازمان پاک وومن د سيټيزنز وائس يا د خلقو غږ په نوم د موبائل فون اپليکېشن جوړ کړی دی.
ددغه اپليکېشن يا سوفټ وئر دلارې خلک د خپلې اړونده حلقي د اسمبلۍ دمنتخب غړي دکارکردګۍ په اړه په اسانۍ سره معلومات ترلاسه کولی شي او خپله رایې هم داسمبلۍ غړي ته د يو مېسیج يا پېغام د لارې رسولی شي۔
د ياد غېر سرکاري تنظيم مشرې عزره ګل ډيوه نېوز ته وويل چې د صوبايي اسمبلۍ د۱۱۵ عمومي یا جنرل غړو،د ۲۶ زنانه ؤ غړو او د اقليتي رورولۍ ايم پي ايز په موبائل فونز کې دا اپليکېشن انسټال وي او عام ولس سيټيزنز وائس نومې سوفټ وير په ګوګل پلی سټور نه ويړيا ډاونلوډ کولی شي.
د اپليکېشن دپرانستې په موقعه د خېبر پښتونخوا صوبايي اسمبلۍ چارواکي، نارينه او زنانه ايم پي اېز او د ژوند د بېله بېلو طبقو سره تعلق لرونکو خلقو ګډون کړی ؤ.
د پېښور زينت محب کاکاخيل ډيوه نيوز ته وويل چې په صوبه کې زياتره زنانه په اسمبلۍ کې دکېدونکې قانون سازۍ په اړه معلومات نه لري او نه خپل اواز د ايوان غړو ته رسولی شي.
نوموړې زياته کړه چې ددې موبائل اپليکېشن په مرسته به د ټولنې زنانه اوس ددې جوګه شې چې خپل غږ د اسمبلۍ غړو ته ورسوي.
د عوامي نشنل ګوند د صوبايي اسمبلې زنانه غړي شګفته ملک د دغې اپليکېشن د پرانستې ستائنه کوي خو وايي چې دې نه وړاندې هم داسې ډول هلې ځلې شوې دي ولې روستو نه دې عملي کړې شوي.
ډیوه سره خبرو کې هغه وایي چې ياد سوفټ وير به هله د خلقو په ګټه وي کله چې په دې وخت په وخت د اسمبلۍ دننه دکېدونکې کارروایۍ ټول معلومات اپلوډ کولی شي.
د پاک وومن تنظيم چارواکو په وېنا هغوئ د صوبايي اسمبلې سیکرټريټ سره په يو مفاهمتي ياداشت لاس کړی او په سيټزن وائس موبائل فون اپليکېشن به د قانون سازۍ، دبجټ دمنظورۍ او د اسمبلۍ د غونډو د کاروايي په اړه معلومات د سيکرتریټ چارواکې وخت په وخت اپلوډ کوي چې ورته به عام ولس په اسانۍ سره لاس رسی مومي