پولیس وایي د خېبر پښتونخوا د جنوبي ضلعې ټانک د مرکزي بازار په منځ کې نامعلومو وسله والو یو پولیس عسکر په هدفي برید کې وژلی دی. په سمدستي توګه د پېښې زمه واري چا نه ده منلې.
پولیس وایي د یو شخصي بېنک [میزان] په ساتنه مامور پولیس عسکر ریاض بېټني باندې نن د شورو- چارشنبې په ورځ نامالومه وسله والو ناتاره ډزې کړې چې پکې هغه په ځای وژل شوی او دوه لاروي د وسله والو په ډزو ژوبل شوي دي.
د سټي تاڼې د پولیسو افسر افتاب بلوچ وايي وژونکي تښتیدلي دي. هغه وویل د پېښې پلټنې یې پیل کړي خو لا یې تر دې دمه د پېښې په تړاو څوک نه دي نیولي.
تر دغې پېښې وروسته په سیمه کې د امنیتي اندېښنو له امله بېنکونه تړل شوي او د امنيت غوښتنه یې کړې ده.
د ټانک ضلعې د پولیس مشر وقار احمد وايي دا کومه د ېبنک نه پېسو تښتولو پېښه نه وه، هغه وویل دا د ترهګرۍ پېښه ده چې هدف یې پولیس عسکر وو. پولیس افسر وویل د علاقې حالات په قابو کې دي.
له دې نه وړاندې هم بېنکونو امنیتي اندیښنې څرګندې کړې چې له امله یې د بینکونو په ساتنه پوليس اهلکار په ځای کړي وو.
په وروستيو کې خېبرپښتونخوا کې په پوليسو بريدونه سېوا شوي دي.
پرون د ټانک ضلعې سره لويديځه پوله بر جنوبي وزیرستان اسمان منزه سیمه کې د پوځ په قافله وسله وال بريد شوی وو ، د وسله والو سره نښته کې شپږ پاکستاني پوځیان وژل شوي او د څلورو ترهګرو د وژل کېدو دعوه هم شوې وه. تحریک طالبان پاکستان د بريد زمه واري منلې ده.
له دغې وړاندې خېبر، لکي مروت او بنو ضلعو کې روانه اوونۍ څلور اهلکار عسکر وژل شوي وو.
هغه وخت تحریک طالبان ویلي وو پولیس دې دوی پر وړاندې عملیات نه کوي دوی به یې نه هدف کوي.
خو د ملک موقتي وزیر اعظم انوارالحق کاکړ ویلي د ترهګرو پروړاندې به سر ټيټ نه کړي او د ترهګري دا لعنت ترختمولو به د هیڅ ډول قربانۍ څخه نه په شا کيږي.