د پاکستان حکومت مخالفه سیاسي ګوندونو ویلي د بهرهیوادونو نه پېسې پاکستان ته راوړلو لپاره اعلان شوی د بخښنې سکیم د غیرقانوني پېسو قانوني کول یا د توروپېسو سپینول دي او دهړکه يې کړې د حکومت دغه ګام به په عدالت کې چېلنج کوي.
د پاکستان حکومت لوې مخالفه ګوند پاکستان تحریک انصاف مشر عمران خان د اعلان شوي سکيم په اړه په یو ټوېټ پیغام کې لیکلي، دغه سکیم د هیواد ایمانداره ټېکس ورکونکو خلکو په مخ یو سپیړه ده.
PTI rejects yet another amnesty scheme which is one more brazen attempt by Abbasi to save criminals. Why would PM seek to do this just 45 days before govt term ends? & why just 2 weeks before budget? This is a tax on honest people - a slap on the face of honest taxpayers.
— Imran Khan (@ImranKhanPTI) April 6, 2018
نوموړي نن د سند ایالت په حیدر اباد ښار کې یوې غونډې ته په وینا کې ویلي دغه سکیمونه د هغو ٫٫ غلو٬٬ لپاره اعلان شوی چا چې په غیر قانوني توګه پېسې د هیواد نه بهر ويستلي دي او حکومت دغو کسانو ته موقع ورکوي چې خپلې تورې پېسې سپیني کړي. نوموړي غونډې ته ویلي د حکومت دغه سکیم به په عدالت کې چېلنج کوي.
The questionable intent of this scheme is also reflected in the confusion delib caused by Abbasi verbally referring to the scheme not being applicable to "politically exposed persons" while the doc being circulated refers to "holders of public office and public servants". https://t.co/HzesbXLBVB
— Imran Khan (@ImranKhanPTI) April 6, 2018
د پاکستان پیپلز ګوند شریک چېرمن بلاول بهټوزرداري هم د دغه سکيم په اړه په خپل غبرګون کې ویلي ٫٫حکومت د دغې سکیم په لار د نواز شریف کورنۍ او خپل خلک بچ کول غواړي خو پیپلز ګوند به يې دغه کار ته کله هم پرې نه ږدي.٬٬
تیره ورځ د پاکستان وزیراعظم شاهد خاقان عباسي د ملک خرابیدونکې اقتصاد ښه کولو لپاره د بهرهیوادونو نه بیرته خپل وطن ته د پیسو راوړلو په سر پاکستانیانو لپاره په ټیکس کې د کموالي او د بخښنې سکیم اعلان کړی وو.
وزیر اعظم شاهد خاقان عباسي ویلي وو حکومت د یو ځل لپاره د بخښنې سکیم اعلان کړی چې ترمخه يې ملکي خلکو ته اجازت ورکړل شوې چې حکومت ته په دوه فیصده ټیکس (جرمانه) ورکولو سره د بهرملکونو په بینکونو کې ایښودې خپلې پیسې بیرته پاکستان ته راوړي.
په پېښور کې د ايي اېم ساېنسز پروفېسر رفیق احمد د وزیراعظم لخوا اعلان شوي دغه نوي سکیم په اړه وي او ای ډیوه ته ویلي کوم خلک چې وړاندې نه د مالېې وفاقي ادارې یا اېف بي ار لخوا ښودل شوي پکار ده هغوي نه ټېکس واخستل شي.
ښاغلی رفیق احمد زیاتوي: ٫٫ ایف بي ار څو څو وارې حکومت ته داسې ۳۰ زره خلک په ګوته کړي چې ټېکس نه ورکوي او د حکومت نه يې غوښتلي چې مالیه ترې واخلي. خو حکومت تر اوسه په دغې اړه څه کار نه دی کړی چې دغه خلک د مالېې په نظام کې راولي.٬٬
حکومت به د راتلونکې مالې کال جولايي میاشت نه د ټیکسونو نه ورکوونکو پرضد ګام پورته کولو لپاره د قامي شناختي کارډونو ادارې نه د ددغه خلکو معلومات راغونډوي.
د نړیوالې مالیاتي ادارې ايي ایم ایف په شمول قرضې ورکوونکو ادارو د پاکستان د ټیکس او مجموعي امدن ترمنځ شرح باندې څو ځله اندیښنې څرګندې کړي کوم چې خواشا ۱۲ فیصده ده چې د نړۍ کم ټیکس ورکوونکو ملکونو کې حسابیږي او د ۲۰۰ ملینه ابادۍ په دغه ملک کې د یوفیصد نه هم کم خلک ټیکس ورکوي.
د پاکستان د څېړنې یو کاروباري ادارې ای- اېف فرګوسن اېنډ کو د شمېرو ترمخه پاکستانیان په بهر ملکونو کې ۱۵۰ ارب ډالره اثاثي لري کومې چې د پاکستان د حکومت د ریکارډ کاغذونو نه پټې دي ځکه چې د ښکاره کولو په صورت کې به په دغه اثاثو باندې ددې مالکان حکومت ته ټیکس ورکوي. د ادارې د شمېرې ترمخه په دغه اثاثو کې ۸۰ ارب ډالره په جایدادونو او بینکونو او ۲۰ ارب ډالره د بهر ملکونو په سټاک مارکیټونو کې او ۵۰ ارب ډالره په سامان جوړوونکو کمپنو او کارخانو کې لګولی شوي.
د نوي اعلان شوي سکیم ترمخه که د یو تن د کال امدن ۱۲ لکه روپۍ وي نو د هغوي نه به مالیه یا ټېکس نه اخستل کیږی. خو د دغې نه سېوا امدن باندې بیا د ټېکس ټاکل شوی.
د کوم چا امدن چې د ۱۲ لکو نه ۴۰ لکو پورې وي هغه به ۵ سلنه، د ۲۴ لکو نه تر ۴۸ لکو روپو امدن لرونکي به ۱۰ فیصد ټېکس ورکوي.