د لږکيو ډلو په قامي ورځ د دوی مشران وايي نه مو څوک قامي حق مني او نه اييني حقونه راکوي په کراچۍ کې د اګست په 11مه نيټه د لږکيو ډلو په قامي ورځ د اقليتونو حقونو دپاره لاريون شوی چې پکې کڼ شمير خلکو پکې ګډون کړی.
په کراچۍ کې د رکشو او د ټيکسيانو ډريورانو د ګاډو چلولو د پاره د ګيس سلينډر په کارولو د بنديز خلاف احتجاجي مظاهره کړې. ډريوران وايي، دوي که سلينډر استمعال نه کړي نو د تيلو لوړو نرخونو له کبله ورته ورځنۍ مزدوري نه پاتې کيږي.
د پښتونخوا ملي عوامي ګوند د سېند صوبې له پولیسو سره د سلطان محمد په نامه د باجوړ د یو کس د مړینې پرضد لاریون کړی. دوی ویل چې سلطان محمد د سیند ضلعې خیرپور پولیسو سره په بند کې د جولای په ۱۸ نېټه د پولیسو د زیات تشدد له امله مړ شوی دی. خو پولیسو ډیوې ته ویلي، چې د هغه مړینه قدرتي وه.
له نړيوالې مالياتي ادارې اي ايم ايف سره له تړون ورسته د پاکستان د ونډو بازار ډير په تيزې سره بره ختلې وو خو کارپوهان وايي، د مجموعي د 5000 نه زياتو پوينټونه لوړيدو وروسته د ونډو بازار په ځای درېدلی.
د لادرکه بلوڅانو کورنيو د لوی اختر په لومړۍ ورځ د کراچۍ پريس کلب پر لور لاريون کړی او هتله يې احتجاجي غونډه کړې. بلوڅ احتجاج کونکي وايي، د دوي بې درکه خپلوان دې راخوشي کړل شي او نور دې پرې جبر او ظلم ودرول شي. تفصیل د ذوالفقار بيټنی په رپورټ کې
د لادرکه بلوڅانو کورنيو د کراچۍ پريس کلب مخې ته د نه خوړو يو ورځنی کيمپ لګولی او احتجاجي مظاهره يې کړې. بلوڅان وايي، په بلوچستان کې په جبري توګه بې درکه کولو او له قانونه پرته وژنو چې کوم اور لګولی وو هغه نن د پاکستان ټولو برخو ته خپور شوی. تفصیل له کراچۍ نه د ذولفقار بېټني په راپور کې.
په کراچۍ کې د بې درکه بلوڅانو کورنيو د پرېس کلب مخې د يوې ورځې دپاره د نه خوړو احتجاجي کېمپ لګولی او د يو بې درکه ذاکر مجيد د خوشي کولو غوښتنه یې کوله.
د کراچۍ په افغان کډوالو کيمپ کې ميشت افغانان له معاشي مشکلاتو سره مخ دي افغانان وايي، لومړی کارونه نه شي پيدا کولی او چې کار ومومي نو بيا هلته په بېلابېل ډول ځورول کېږي. تفصیل د ذوالفقار بيټنی په رپورټ کې
په پاکستان کې له شته قانون سره سره څوک هم د ژوند ژغورلو ايمبولينسونو ته لار نه ورکوي په پاکستان کې غیر دولتي او د ژغورنې ادارې وايي، د پېښو په وخت اېمبولنسونه د خلکو ژوند ژغورلو ته ځي خو څوک ورته لار نه ورکوي او بيا په روغتونونو کې د صحت په کارمندانو تشدد هم روان دی.
د کراچۍ او سيند صوبې له زندانونو د اته ماشومانو په ګډون 66 افغانان چې د بند سزاګانې يې پوره کړي، خوشي کړل شوي او بيرته افغانستان ته لېږل شوي دي.
ګرمي راغله خو د ګرانۍ له لاسه د خلکو د ځان يخ ساتلو توان نه شته د پاکستان غټ صنعتي ښار کراچۍ جيکسن مارکيټ چې د بهرني هيوادونو نه ورته د ښه معيار ايرکنډيشنونه راوړل کيږي او د دې په وجه دا بازار يو ځانګړی نوم لري.
د پاکستان د امنيتي ځواکونو کلا له ترهګرو نه دېرش ساعته وروسته بيرته واخېستل شوه د بلوچستان د داخله چارو د وزارت د وينا ترمخه د قلعه سيف الله په بريد کې د پاکستاني امنيتي ځواک څوارلس تنه او څلور ملکي وګړي وژل شوي خو د پوځ د ميډيا څانګه وايي، شپږ د فرنټير کور غړي او يو ملکي تن په بريد کې وژل شوي.
په کراچۍ کې د قوم پرستو ګوندونو لخوا د ۲۰۰۷ کال د سپریم کورټ د مغزول شوي مشر قاضي د بحالۍ په تحریک کې د وژل شویو کسانو سره د انصاف غوښتنه وکړه. دغه غونډې د عوامي نېشنل ګوند او پښتونخوا ملي عوامي ګوند لخوا جوړې شوې وې. تفصیل د ذوالفقار بيټنی په رپورټ کې
ګرانۍ د سينګار د څيزونو بيې هم اغېزمنې کړي د کراچۍ په بولټن بازار کې د کاسميټېک دوکاندران وايي، د اختر په رانیږدې کيدو به د دوی په کاروبار کې تيزي ليدل کېده خو سږ کال د دوی کاروبار د نيمايي نه زيات کم شوی. دوکاندران یې لامل ګراني يادوي. نور حال د ذوالفقار بيټنې په رپورټ کې
د څارویو د سوکالۍ نړیوال سازمان ماهرينو د کراچۍ په ژوبڼ کې د ناروغې ماده هاتھۍ (فیل) نور جهان معاینه کړې او درملنه يې پیل کړې. د ژوبڼ انتظاميې په وينا يوه مياشت مخکې د نورجهان يوه پښه د جزوی فلج ښکار شوې وه او په بدن کې یې پړسوب ښکاره شوی و.
په کراچۍ کې د سيند ايالتي اسمبلۍ مخې ته د هندو مذهب پلویانو په سيند صوبه کې د هندو اقليت د ښځو د تښتولو، په جبري توګه د مذهب بدلولو او په زور سره د هغوی واده کولو خلاف لاريون کړی. لاریون کونکو په زور د مذهب بدلولو او د نابالغه هندو نجونو د تښتولو پرضد د قانون جوړولو غوښتنه کړې.
د سيند صوبې د پوليسو مشر ډیوې ته ویلي، دوی یواځې غیر قانوني کډوال نیسي او دعوه یې کړې چې په کراچۍ کې یو شمېر افغانان په جرمونو کې ککړ هم موندل شوي هغه د سيند صوبې په کچه د پېسو دپاره د ډاکوانو لخوا د پښتونخوا سره تعلق لرونکو کسانو اغوا کولو او په کراچۍ کې د جرمونو او ترهګرۍ په مسلو خبرې کړي دي.
نور کتل