سوداګر وايې، په پاکستان کی د سود زیاتې شرحې د هغوی کاروبارونه تاواني کړي او نه شی کولی په زیاته شرح سود سره د بینکونو نه قرضې واخلي. د پاکستان مرکزي بینک د سود شرح په 22% په ځای ساتلې او په کلني رپورټ کی وایي په مالی کال 2023 کی شخصي قرضې 87% کمې شوي. تفصیل د ریاض حسین په رپورټ کې
د خېبرپښتونخوا په مردان ضلعه کې د مې په میاشت کې د مذهب د سپکاوي په تور وژل شوی مولانا حافظ نګار عالم ځايي علماو بې ګناه ګرځولی، او جرګې ویلي تور لګوونکو د نګار عالم کورنۍ ته د ديت 35لکه روپۍ ورکړي دي. خو قانون پوهان وايي د نګار عالم د وژنې مقدمه د رياست لخوا شوې او قانون به خپله لار اوباسي.
په مردان کې د بېلابېلو ښونځیو د نهم او لسم ټولګیو د زده کونکو ترمنځ د لیک او سپېلېنګ سیالۍ ترسره شوي چارواکو ویلي، ددغو سیالو موخه له پوهې او کتاب سره د زده کونکو د مینې پیدا کېدل دي. تفصیل د ریاض حسین په راپور کې.
د هندوستان نه د خېبرپښتونخوا بره دير ته ورغلې انجو د نصر الله سره نکاح شوی، وکیل یې او پوليسو د دوی نکاح او په عدالت کې رجسټرېشن کېدل تاييد کړل.
د هندوستان نه 35 کلنه انجو د خېبرپښتونخوا په نصرالله پسې ورغلې ده، انجو د نصرالله سره د ټولنيزو رسنيو د لارې اشنا شوې هغه د دوه ماشومانو مور ده، نصر الله د بره دير سره دی.
پاکستان ته د نړيوالې مالياتي ادارې [آی اېم اېف] لخوا د پېسو ورکولو او پروګرام منظورۍ باوجود روپۍ د امريکايي ډالر په مقابله کې نه ده باثباته شوې او نوره بې قدره شوې ده.
په مردان ښار کې زده کونکو ته د موبایل، انټرنېټ او کمپیوټر د مثبت کارولو لپاره یوه درې ورځنۍ روزنیزه غونډه جوړه شوې. په دې روزنیزه غونډه کې چې د شخصي تعلیمي ادارې پیلیکس لخوا جوړه شوې په دې هم بحث شوی چې د ډیجېټل ټکنالوجۍ په کارولو کې خلک له کومو ستونزو سره مخ کېږي. تفصیل د ریاض حسین په راپور کې.
اقتصاد پوهان وایي، د پاکستان او آی ایم ایف تر منځ د دری اربه ډالرو تړون به د پاکستان ستونزې تر څه حده اسانې کړي خو ګرانی به نور هم ورسره زیاته شي.
په خیبر پښتونخوا کې د اختر په دوهمه ورځ هم قربانۍ کېدلې او د اړوندو ادارو لخوا د قربانۍ د موادو د صفايۍ او په ځمکه کې د خوندي کولو کار روان و. له بېلابېلو سیمو څخه د صفايي د کمزروي نظام راپورونه هم راغلي، خو اړونده اداره وايي، دوي د ښارونو د پاکوالي په برخه کې کوټلي ګامونه اخیستي.
د پاکستان مرکزي بینک وایي، د روان مالي کال په 11 میاشتو کی بهرنۍ پانګې 21% کمې شوي. اقتصاد پوهان وایي، د ملک د زرمبادله ذخیره کمه ده او حکومت د درامدي بېل د پوره کولو دپاره سرکاري اثاثو خرڅولو ته اړ شوی چې د کارپوهانو په وينا حکومت ځانته لنډه او اسانه لار کتلې. تفصيل د رياض حسين په رپوټ کې
په مردان کاټلنګ سیمه کې د تاریخي او کلتوري لوبې موخې( تیر اندازۍ) سیالۍ شوي. په دې سیالیو کې د خیبر پښتونخوا او پنجاب صوبی 21 لوبډلو برخه اخېستې او د کاټلنګ شموزو لوبډلو پکې په لومړي او دویم نمبر راغلي او د صوابۍ لوبډلې پکې دریم ځای ترلاسه کړی. تفصیل د ریاض حسین په راپور کې.
پاکستان کې تنخادار او پنشن اخستونکي وايي، په بجټ کې په تنخاګانو او پنشن کې شوې اضافه ډېره کمه ده دا اضافه په ملک کې د ګرانۍ په حساب پکار وه.
په پاکستان کې سرکاري مرکزي ملازمینو حکومتی 35% اضافه رد کړې او ویلي یې دي چې ګرانی 200% زیاته شوې او حکومت د ګرانۍ په حساب تنخا ګانی نه دی زیاتې کړي. حکومت په قامی بجټ کی تنخا د 30 نه تر 35% او پېنشن کی 17% اضافه کړې. نور تفصیل د ریاض حسین او ارشد مهمند په رپوړټ کې
د پاکستان مرکزي حکومت قامي بجټ وړاندې کوي خو ځايي خلک اندېښنه څرګندوي چې ګراني به راکمه نه شي. دوی وايي، له دې وړاندې هم حکومتي بجټ کې ولس ته څه ګټه نه ده ترلاسه شوې او باید چی حکومت ګراني کمه کړي او د ولس ژوند اسان کړي. ریاض حسین
د پاکستان حکومت په نهم جون د راتلونکي مالي کال بجټ وړاندې کوي خو اقتصاد پوهان وایې راتلونکی کال پاکستان ته د قرضو واپس کولو او حکومتي خرچو لپاره ۳۵ ارب ډالره پکار دي. پاکستان دا وخت د سختو مالي چېلنجونو سره مخ دی او د آي اېم اېف سره یې د قرض پروګرام بحال شوی نه دی. نور حال د ریاض حسېن په رپورټ کې
په مردان کې په تحقيقاتي جرنلزم او بنيادي حقونو ورکشاپ شوی د تحقیقاتی صحافت په اړه په خبريالانو او ټولنه کې د پوهې راوستلو دپاره دوه ورځنی ورکشاپ په مردان ښار کې سر ته ورسېد چې ګڼ شمېر خبريالانو او په سوشل ميډيا کارنکو پکې برخه واخېستله.
سزاوار شوی تن د کال 2017 د فرورۍ په میاشت کې د توهين رسالت يا مذهب د سپکاوي په تور نيول شوی وو، په هغه جوړه مقدمه کې ویل شوي وو، عرفان نومې تن په جومات کې په لاوډ سپيکر د نبوت يا پېغمبرۍ دعوه کړې وه.
په پاکستان کی روانې اقتصادي او سیاسي بی باورۍ سوداګر او اقتصاد پوهان اندیښمن کړي. دوی وایې، په ملک کی له وړاندی څخه د ګرانۍ او زیاتو ټيکسونو له امله کاروبار په تاوان کی روان دی او که سیاسی بی ثباتي او اقتصادي بې باوري دوام وکړي نو دا به کاروبارونه نور هم تاواني او بې روزګاري زیاته کړي.
د پاکستانۍ روپۍ په مقابله کې د ډالر بيه 306 روپو ته رسېدلې او د پاکستان مرکزي بېنک وايي، په انټربېنک مارکيټ د ډالر بیه 278 روپۍ ده، خو په پرانستي مارکيټ کې ډالر 306 روپو ته رسېدلی دی.
نور کتل