پاکستان کې د ترھګرې د مخنیوي ادارې [نېکټا] ویلي، پاکستان کې د کا 2021م راھسې د ترھګرۍ په 14 بریدونو کې 20 چینایي وگړي وژل شوي او 34 ژوبل شوي دي.
د ډان وېب پاڼې د رپورټ ترمخه، نېکټا یادې شمېرې د قامي اسمبلۍ د پلاننګ او پرمختیا او ځانګړو اقداماتو قایمه کمېټۍ ته وړاندې کړي دي.
پاکستان کې په چینایانو وروست برید د اکتوبر په میاشت کې د کراچۍ د نړیوال ھوایي میدان په خله کې شوی، د دوہ چینایانو په ګډون پکې درې کسان وژل شوي وو.
د دغه برید زمه واري بلڅچ بېلتون غوښتونکې وسله والې ډلې بلوچ لبرېشن ارمي په غاړه اخیستې وه.
چين دغه ترهګریز برید اندېښمن کړی او په پرله پسې ډول د چين لوړ پوړي چارواکي د پاکستان د حکومت څخه چينايي وګړو ته د تحفظ ورکولوغوښتنې کوي.
د تېرې میاشتې په وروستیو کې چين يو ځل بيا د پاکستان څخه غوښتنه کړې، د چينايي وګړو د حفاظت لپاره دې باوري ګامونه پورته کړي.
په 28م نومبر کراچۍ کې د چين کونسل جنرل يانګ يوندوګ يوې دستورې په وینا کې ويلي هیله لري چې اسلام اباد به په دې لړ کې عملي ګامونه پورته کړي.
په دغو ورځو کې د چينايي پوځ د لوړ پوړو جرنيلانو يوه ډله هم د پاکستان په سفر وو.
د قایمه کمېټۍ ته ویل شوي، په چینایانو ترسرہ شوو بریدونو کې اته په سیند صوبه، څلور په بلوچستان او دوہ په خېبرپښتونخوا صوبه کې شوي دي.
نېکټا ویلي، پاکستان کې 20,0000 پورې چینایي وګړي موجود دي چې پکې په سي پېک پروژہ کې کار کوونکي ھم شامل دي.
سي پېک په اصل کې د چين د بلټ اېنډ روډ لوې منصوبې برخه ده چې هدف يې د ایشيا، يورپ او افريقا ترمنځ د تجارت او اقتصادي تعلقاتو وده ده.
سي پېک د چين شين جيانګ صوبې د کاشغر ښار نه د پاکستان د ګوادر بندر ګاه پورې 3000کلو ميټره اږود کوريډور دی، چې سړکونه، د ریل پټلۍ او انرژۍ منصوبې په کې شاملې دي.
ویل شوي د نېکټا چارواکو قایمه کمېټۍ ته پاکستان کې د چینایي وګړو د امنیتي اقداماتو په اړہ احوال ھم وړاندې کړی دی.
چین بیا بیا د پاکستان نه د خپلو وګړو د امنیت غوښتنه کړې او په دغې اړہ یې په ښکارہ اندېښنې ھم څرگندې کړي دي.
د نومبر په 19مه د پاکستان د وزير اعظم شهباز شريف په مشرۍ کې د نېشنل اېکشن پلان د اېپکس کمېټۍ په غونډه کې په بلوچستان کې د بلوچ بېلتون غوښتونکو وسله والو ډلو پرضد د پوځي عملیاتو فېصله شوې وہ.
د کراچۍ د بريد نه وړاندې پاکستان کې په چينايي وګړو ترسری شوی وروستی غټ بريد د روان کال په 26م مارچ د خېبرپښتونخوا په شانګله ضلعه کې شوی، په بشام کې د داسو ډېم په چينايي انجينيرانو ځانمرګی برید کې پينځه چينايي وګړي او پاکستانی ډرايور یې پکې وژل شوي وو.
د کال 2022م په 26 اپرېل په کراچۍ پوهنتون کې د چينايي ژبې او کلتور د زده کړو څانګې [کنفوشيس انسټيټيوټ] په چينايي استازانو ځانمرګی بريد شوی درې چينايي استازان او يو پاکستانی ډرايور ورکې وژل شوي وو.
د دغه بريد زمه واري هم لاقانونه ګرځول شوې ډلې بلوچ لبرېشن ارمي منلې او ويلي يې وو، دغه برید يې لومړۍ ښځينه فدايي شاري بلوچ کړی وو.
په چینایانو غټ برید د کال 2021م د جولایۍ په میاشت کې د داسو پروژې سرہ نزدې شوی، د نھۃ چینایي اینجینیرانو په ګډون پکې 12تنه وژل شوي وو.
Forum