پاکستان کې د چين سفارتخانې منلې، تېره شپه د پاکستان په کراچۍ ښار کې د نړيوال هوايي ميدان [اييرپورټ] څنګ ته "د چينايانو په قافله برید کې دوه چينايان وژل شوي او يو ژوبل شوی دی". چين بيا د پاکستان نه "د چينايي وګړو د خونديتوب دپاره د ټولو اړينو ګامونو پورته کولو غوښتنه کړې ده".

په کراچۍ کې د هوايي ميدان نه بهر دا چاودنه تېر د شپږم اکتوبر په شپه خواوشا 11 بجې شوې ده. پوليس چارواکو د چاودنې وروسته د دوو کسانو وژنه تاييد کړې، او د امنيتي اهلکارو په ګډون یې د څو کسانو د ژوبلېدو ويلي وو.

د چين سفارتخانې ويلي، د پورټ قاسم اليکټرک پاور کمپنۍ کې د چینايي کار کوونکو قافله په بريد کې په نخښه شوې، او دغه ترهګر برید يې په کلکه غندلی دی.

د پاکستان وزیراعظم شهباز شريف دغه بريد غندلی او ويلي يې دي، "په دې ناوړه پېښه کې ککړپاکستانيان نه شي کېدای، بلکې د پاکستان دښمنان دي. سمدستي پلټنې پيل کړل شوي چې پېښه کې ککړ کسان معلوم او د قانون منګولو ته راوستل شي".

د چينايانو په قافله د بريد زمه واري بلوڅ بېلتون غوښتونکې وسله والې ډلې بلوڅ لبرېشن ارمي منلې، او دعوه یې کړې د مجيد بريګېډ فدايي يونټ يو ځانمرګي د چينايي ايجينيرانو او پانګه والو د لوړې کچې قافله په هدف کړې ده.

د چين د سفارتخانې ترمخه، "پاکستان کې د چين سفارتخانې او کونسلګرۍ يو بېړني پلان پيل کړی، د پاکستان نه د برید د بشپړه پلټنو، پېښه کې ککړو کسانو ته د سختې سزا ورکولو او پاکستان کې د چينايي وګړو چې په ادارو او پروژو کې په کار دي، د هغو ټولو د ساتنې دپاره د اړينو اقداماتو غوښتنه کړې ده".

د پاکستان د بهرنيو چارو وزارت ويلي، "دغه بريد نه يواځې په پاکستان، بلکې د پاکستان او چین په دوستۍ شوی دی، او د مجيد بریګېډ په ګډون به د دې پېښې زمه وار د انصاف کټهرې ته راوستلی شي، د پاکستان ادارې به په دې پېښه کې ککړ او د هغوی سهولت کار ونیسي او بې سزا به پاتې نه شي".

وزارت ویلي، "ترهګرو قوتونو ته د ماتې ورکولو دپاره به د چينايانو سره په ګډه کار کولو ته دوام ورکړي".

پاکستان کې وخت په وخت په چينايي وګړو بريدونه او چاودنې شوي دي.

له دې وړاندې پاکستان کې په چينايي وګړو ترسری شوی وروستی غټ بريد د روان کال په ‏‎26‎م مارچ د خېبرپښتونخوا په شانګله ضلعه کې شوی، په بشام کې د داسو ډېم په چينايي انجينيرانو ځانمرګی برید کې پينځه چينايي وګړي او پاکستانی ‏‏‏ډرايور یې پکې ‏وژل شوي وو.‏

د پاکستان حکومت بلوڅ لبرېشن ارمي وسله واله ډله غېر قانونه ګرځولې ده.

دغه ډله په بلوچستان صوبه کې د چینايي پانګونو مخالفت کوي، او وړاندې یې هم د پاکستان په بلوچستان د چينايانو په ګټو د حملو زمه وارۍ منلي دي.

د کال 2022م په 26 اپرېل په کراچۍ پوهنتون کې د چينايي ژبې او کلتور د زده کړو څانګې [کنفوشيس انسټيټيوټ] په چينايي استازانو ځانمرګی بريد شوی درې چينايي استازان او يو پاکستانی ډرايور ورکې وژل شوي وو.

د دغه بريد زمه واري هم لاقانونه ګرځول شوې ډلې بلوچ لبرېشن ارمي منلې او ويلي يې وو، دغه برید يې لومړۍ ښځينه فدايي شاري بلوچ کړی وو.

د یاد بريد وروسته د کنفوشيس انسټيټيوټ او پاکستان کې دغه ډول نورو مرکزونو څخه ټول چينايي استازان بيرته خپل ملک ته تللي او بيا بيرته پاکستان ته نه دي ورغلي.

بي اېل اې وايي، د بلوچستان د ازادۍ، او بلوچستان کې په قدرتي وسايلو کې د چين دپانګونو غندنه کوي.

پاکستان د اوږدې مودې نه تور لګوي هند د بلوڅ وسله والو په شا ولاړ دی، خو هند تل دغه تورونه رد کړي دي.

پاکستان کې تېره شپه دا بريد په داسې وخت کې شوی چې پاکستان په 15م او 16م اګست د شنګايي همکارۍ سازمان د غونډې کوربه توب کوي، او چارواکي وايي د دغه غونډې نه دوه ورځې د چين وزيراعظم لي کيانګ هم د پاکستان سفر کوي.

د خېبرپښتونخوا وزيراعلا علي امين ګنډاپور چې د خالي، شنبې په ماسخوتن بې درکه شوی، د اتوار، يکشبنې په ماسخوتن ناوخته د اسمبلۍ په غونډه کې ناڅاپه ښکاره شوی دی.

د اسمبلۍ غونډې په وينا کې نوموړي وویل، چې هغه تېره شپه په اسلام اباد کې وو.

له دې وړاندې د هیواد د کورنیو چارو وزیر محسن نقوي ویلي وو، علي امین ګنډا پور نه خو پولیسو نیولی او نه د ایجنسیو سره دی، بلکې هغه د خېبر پښتونخوا هاوس څخه تښتیدلی دی.

د اسلام اباد څخه د وزیراعلا علي امین ګنډا پور د مرموزې بې درکۍ په معامله د خېبر پښتونخوا اسمبلۍ بېړنۍ غونډه د اتوار په ورځ بلل شوې او تحریک انصاف ګوند د صوبایي اسمبلۍ مخې ته د احتجاج کولو اعلان هم کړی وو.

د خالي په ورځ د تحریک انصاف قافلې سره اسلام اباد ته د احتجاج لپاره له رسېدو وروسته په ځايي مطبوعاتو ويل شوي، علي امین ګنډا پور د خېبر پښتونخوا هاوس څخه د رینجرز او پولیس ځواکونو پخپله ولکه کې اخستی وو او په قامي اسمبلۍ کې د اپوزیشن مشر د پاکستان تحریک انصاف عمر ایوب خان دعوه کړې وه چې وزیراعلا په ناقانونه توګه نیول شوی دی.

د پاکستان سرکاري ټي وي او نورې میډیا هم په وړومبي سر کې د وزیراعلا د نیول کېدو خبر ورکړی وو خو وروسته بیا میډيا د سرکاري سرچینو له خولې وویل چې علي امین ګنډا پور په باضابطه توګه نه دی نیول شوی.

پاکستان تحریک انصاف ګوند پخپله رسمي ایکس پاڼه لیکلي وو، "د یوې صوبې موجوده وزیر اعلا لادرکه دی او ټول پوهیږي چې هغه چا په غیر قانوني ډول په حراست کې ساتلی دی".

د تحریک انصاف ګوند د پېښور صدر عرفان سلیم رسنیو ته ویلي وو، چې د وزیراعلا علي امین ګنډا پور پراسراره جبري لادرکي د ولس د رایو سپکاوی دی.

د کورنیو چارو وزیر محسن نقوي دا تورونه رد کړي چې ګنې علي امین ګنډا پور د اسلام اباد څخه نیول شوی وو.

خبریالانو ته ښاغلي نقوي ویلي علي امین ګنډا پور د خېبر پښتونخوا هاوس څخه تښتېدلی اؤ د هغې د تېښتې عکسونه هم شته.

د محسن نقوي په خبره "زه تاسو ته په ددې خبرې پخلی کوم چې هغه نه د پولیسو سره دی،اؤ نه د کومې بلې ادارې په حراست کې دی، هغه پخپله تښتېدلی دی"

تر دې وړاندې هم تېره میاشت په اتم ستمبر د اسلام اباد تر څنګ یوې جلسې ته له وینا کولو وروسته علي امین ګنډا پور په مرموزه توګه بې درکه کړل شوی وو او د تحریک انصاف مشر عمران خان بیا ویلي وو چې هغه ایجنسیو پورته کړی خو د تحریک انصاف مشرانو ویلي وو "له یو اوږد میټنګ وروسته علي امین ګنډا پور پېښور ته رارسېدلی دی".

د علي امین ګنډا پور د وړومبۍ بې درکۍ وروسته د هیواد ددفاع وزیر خواجه اصف ویلي وو چې هغه په کوهسار کې د آي ایس آي میلمه وو او په منتونو یې بیا پرېښودی وو.

‎د پاکستان د غټ اقتصادي ښار کراچۍ د نړ‎یوال هوايي میدان (ایيرپورټ) نه بهر زوروره چاودنه شوې، پوليس چارواکي پېښه کې دوه کسان وژل شوي او د امنيتي اهلکارو په ګډون څو تنه ژوبل شوي دي.

د پېښې په ځای د کراچۍ ښار د ختيځ زون د پوليسو مشر [ډي آی جي] غلام اظفر مېهسر مطبوعاتو سره خبرو کې وويل،"د پېښې په ځای ډېر ګاډي اغېزمن شوي خو دا نه شي ويل کېدی چې په کوم ګاډي کې څه شوي دي، خو په پېښه کې دوه کسان وژل شوي او د هغو پېژندګلو کولی شي".

هغه وويل، "په پېښه کې څوک په هدف وو يا څوک په هدف کړل شوي دي، دا ويل به د وخت نه وړاندې وي".

پوليس افسر زياته کړه، "ابتدايي اطلاع دا ده چې د تېلو په ټېنکر اور لګېدلی، څو ګاډي يې ښکار شوي د هغې له امله ډېر تاوان شوی دی، پلټنې پيل کړل شوي چې دا ترهګري ده که نوره کوم تخريب کاري شوې ده".

‎د چاودنې ځای ته د وي او اې ډیوه ورغلي خبریال لیدلي، چې اور وژونکي ګاډي د اور د وژلو هڅې کوي. یو عیني شاهد وي او اې ډیوه ته ویلي د پېښې ځای ته چې څنګه نزدې شو نو چاودنه وشو.

‎بلوڅ بېلتون غوښتونکې وسله والې ډلې بلوڅ لبرېشن ارمي د چاودنې زمه واري منلې او دعوہ یې کړ‎ې، د چینایي اینجینیرانو قافله باندې یې ځانمرګی برید کړ‎ی دی.

د پاکستان حکومت یاده ډله غېر قانوني ګرځولې. دغه ډله په بلوچستان صوبه کې د چینايي پنګو مخالفت کوي او وايي د پاکستان نه د جدا کېدو مبارزه کوي.

‎د وي او ای ډیوه فېس بوک، وېبپاڼې، اېکس او انسټاګرام سره د تازه معلوماتو لپاره وسېږئ.

د خېبر پښتونخوا وزیرعلا ښاغلی علي امین ګنډا پور نن په دویمه ورځ هم د اسلام اباد څخه لادرکه دی اؤ د پښتونخوا حکومت ویاند وایي هغوي ته هیڅ معلومه نه ده چې وزیراعلا ګنډا پور چرته اؤ په څه حال دی.

د هیواد د کورنیو چارو وزیر محسن نقوي ویلي علي امین ګنډا پور نه خو پولیسو نیولی اؤ نه د ایجنسیو سره شته بلکې هغه د خېبر پښتونخوا هاوس څخه تښتیدلی دی.

د اسلام اباد څخه د وزیراعلا علي امین ګنډا پور د مرموزې بې درکۍ په معامله د خېبر پښتونخوا اسمبلۍ بېړنۍ غونډه نن د اتوار په ورځ رابلل شوي اؤ تحریک انصاف ګوند د صوبایي اسمبلۍ مخې ته د احتجاج کولو اعلان هم کړی دی.

د خالي په ورځ د تحریک انصاف قافلې سره اسلام اباد ته د احتجاج لپاره له رسېدو وروسته علي امین ګنډا پور د خېبر پښتونخوا هاوس څخه د رینجرز اؤ پولیس ځواکونو پخپله ولکه کې اخستی ؤ اؤ په قامي اسمبلۍ کې د اپوزیشن مشر عمر ایوب خان دعوه کړې وه چې وزیراعلا په ناقانونه توګه نیول شوی دی.

د پاکستان سرکاري ټي وي اؤ نورې میډیا هم په وړومبي سر کې د وزیراعلا د نیول کېدو خبر ورکړی ؤ خو وروسته بیا میډيا د سرکاري سرچینو له خولې وویل چې علي امین ګنډا پور په باضابطه توګه نه دی نیول شوی.

پاکستان تحریک انصاف ګوند پخپله رسمي ایکس پاڼه لیکلي "د یوې صوبې موجوده وزیر اعلا لادرکه دی اؤ ټول پوهیږي چې هغه چا په غیر قانوني ډول په حراست کې ساتلی دی"

پي ټي آي په سمدستي توګه د علي امین ګنډا پور د خوشې کولو غوښتنه کړې ده اؤ ویلي یې دي "د ټولې نړۍ په مخکې دې پاکستان پسې له خندا کولو لاس واخستل شي"

د خېبر پښتونخوا اسمبلۍ د سیکرټریټ لخوا د اسمبلۍ د رابلل شوې غونډې په اړه خپره شوې اعلامیه کې ویل شوي چې غونډه کې به د خېبر پښتونخوا د وزیراعلا د تښتول کېدو په معامله بحث کولی شي.

د پښتونخوا حکومت ویاند بېرسټر سیف هم د اسمبلۍ د بېړنۍ غونډې رابلل کېدو پخلی کړی اؤ پخپل بیان کې یلي ویلي دي چې دوي ته هیڅ نه ده معلومه چې دا مهال وزیراعلا علي امین ګنډا پور چرته دی.

د تحریک انصاف ګوند د پېښور صدر عرفان سلیم رسنیو ته ویلي چې د وزیراعلا علي امین ګنډا پور پراسراره جبري لادرکي د ولس د رایو سپکاوی دی.

د کورنیو چارو وزیر محسن نقوي دا تورونه رد کړي چې ګنې علي امین ګنډا پور د اسلام اباد څخه نیول شوی دی.

خبریالانو ته ښاغلي نقوي ویلي علي امین ګنډا پور د خېبر پښتونخوا هاؤس څخه تښتېدلی اؤ د هغې د تېښتې عکسونه هم شته.

د محسن نقوي په خبره "زه تاسو ته په ددې خبرې پخلی کوم چې هغه نه د پولیسو سره دی،اؤ نه د کومې بلې ادارې په حراست کې دی، هغه پخپله تښتېدلی دی"

تر دې وړاندې هم تېره میاشت په اتم ستمبر د اسلام اباد تر څنګ یوې جلسې ته له وینا کولو وروسته علي امین ګنډا پور په مرموزه توګه بې درکه کړل شوی ؤ اؤ د تحریک انصاف مشر عمران خان بیا ویلي وؤ چې هغه ایجنسیو پورته کړی خو د تحریک انصاف مشرانو ویلي وؤ "له یو اوږد میټنګ وروسته علي امین ګنډا پور پېښور ته رارسېدلی دی"

د علي امین ګنډا پور د وړومبۍ بې درکۍ وروسته د هیواد ددفاع وزیر خواجه اصف ویلي وؤ چې هغه په کوهسار کې د آي ایس آي میلمه ؤ اؤ په منتونو یې بیا پرېښودی دی.

پاکستاني رسنۍ وایي د پاکستان حکومت د پښتون ژغورنې په غورځنګ یا پي ټي ایم بندیز ولګولو.

د کورنیو چارو وزارت په ټي ایم دا بندیز په داسې حال کې لګولی چې یاد تحریک د قامي عدالت په نوم په ۱۱م اکتوبر د پښتنو قامي جرګه خېبر ضلعې ته رابللې ده اؤ ددې جرګې لپاره یې ټول انتظامات سرته رسولي دي.

څېړونکي وایي په پي ټي ایم له بندیز لګول کېدو وروسته دا تنظیم اوس په قانوني توګه هیڅ فعالیت نه شي کولی اؤ ښیي حکومت یې د ۱۱م اکتوبر د جرګې مخه ونیسي.

د پښتون ژغورنې غورځنګ لخوا د حکومت دې ګام ته سخت غبرګون ښودل شوی اؤ په ټولنیزه رسنۍ ایکس د پښتون ژغورنې غورځنګ د رسمي اکاونټ نه ټویټ شوی چې" دا وړومبی ځل نه دی چې مونږ د پاکستان په ریاست کې پښتون مخالفه تعصب وینو"

پي ټي ایم ویلي د بابړې د قتل عام نه راواخله په خدایي خدمتګارو د بندیز پورې اؤ تر ننه د پښتنو هر سیاسي فعالیت ته د پاکستان ریاست د دښمنۍ په سترګه ګوري.

د کورنیو چارو د وزارت له لوري په پي ټي ایم د لګول شوي بندیز په اعلامیه کې ویل شوي چې دا تنظیم په ملک کې امنیت لپاره خطره ده.

د اعلامیې له مخې په پي ټي ایم دا بندیز د 1997 دترهګرۍ د مخنیوي د قانون د 11BK دفعې د لاندې لګول شوی دی.

وي او ای ډیوه په دې حکومتي اقدام د پي ټي ایم د مشر ښاغلي منظور پښتین د نظر اخستو لپاره هغه سره د تماس نیولو هڅه وکړه اؤ د واټساپ له لارې یې هم پېغام ور ولېږلو خو د هغه واټساپ اؤ ټيلي فون هیڅ ځواب ونه ویلو.

خو پښتین په اېکس (پخواني ټوېټر) باندې ویلي چې ډېر ژر به په دې اړه ویډیویي پیغام جاري کړي. هغه د یو بل چا د لیکنې په جواب کې چې پي ټي اېم یې شهباز شریف ته په رایه ورکولو تورن کړی، لیکلي دي چې پي ټي اېم هېڅکله پارلېماني ووټ کې ندی شامل شوی، بلکې "هر حکومت د پوځي جرنیلانو په حکم باندې ورباندې ظلم جبر کړی، مګر [پي ټي اېم تحریک] نه د اودرېدو نوم یادوي او نه به واپس ګام کیږدي. مزاحمت به جاري پاته شي."

ایا د پي ټي ایم لخوا رابلل شوې جرګه به اوس وشي؟

په اسلام اباد کې میشت وتلی خبریال طاهر خان وایي د کورنیو چارو د وزارت په اعلامیه کې ادعا شوې ده چې د پي ټي ایم ځينې کارونه اؤ فعالیتونه د امن سره په ټکر دي خو نوموړی زیاتوي چې ددې باوجود پي ټي ایم دا حق لري چې د کورنیو چارو د وزارت ددې اقدام په ضد د عدالتونو دروازه وټکوي.

ښاغلی طاهر خان وایي دا چې اوس په پي ټي ایم د حکومت لخوا بندیز لګول شوی نو تر دې وروسته به دا ډله هم د نورو ناقانونه ګرځول شوؤ ډلو په څېر د فعالیتونو اجازه ونه لري .

هغه وایي پي ټي ایم به اوس په قانوني توګه ددې جوګه پاتې نه شي چې په ۱۱م اکتوبر خپله رابلل شوې جرګه وکړي.

د پاکستان د بشري حقونو کمېشن (اېچ ار سي پي) د حکومت لخوا په پي ټي اېم بندیز غندلی او په یو ټوېټ کې یې ویلي، ٫٫ یوه داسې ډله چې کله یې هم تشدد نه دی کړی او یواځې د اېین او قانون لاندې خپل حقونه غواړي. د حکومت لخوا دغه سخته فیصله سمه نه ده. باید حکومت خپله دغه فیصله بیرته واخلي او پي ټي اېم ته د خپلې پرامنه لار اجازه ورکړي.٬٬

د اېچ ار سي پي په دغه بیان کې د علي وزیر د نیولو هم غندنه شوې او د حکومت نه د هغه د خوشي کولو غوښتنه شوې.

پېښور کې قانون پوه او سیاسي فعال طارق افغان وایي چې د حکومت دا ګام چې پي ټي اېم یې کالعدم وګرځولو، دا به نفرت خپور کړي.

له بندیز وروسته پي ټي ایم سره څه لاره پاتې ده؟

په پېښور کې میشت وتلی خبریال اؤ څېړونکی محمود جان بابر هم وایي چې دې حکومتي اقدام وروسته داسې نه ښکاري چې پي ټي ایم به په ۱۱م اکتوبر قامي جرګه وکړل شي.

ډیوه سره خبرو کې ښاغلي بابر وویل،دا وړومبی ځل نه دی چې پاکستان کې په یو تنظیم یا ګوند پابندي لګول شوې ده بلکې دې نه وړاندې هم مختلفو وختونو کې په بیلابیلو تنظیمونو اؤ ګوندونو بندیزونه لګول شوي دي.

هغه وایي د حکومتي بندیزونونه نه د ځان بچ کولو لپاره اکثره بیا د بندیز سره مخ شوي تنظیمونه اؤ ګوندونه په نورو نومونو خپل فعالیتونه په مخکې وړي اؤ پي ټي ایم که اوس له دې وروسته فعالیت کول غواړي نو خپل نوم به ورته بدلول وي .

خو د محمود جان بابر په خبره پي ټي ایم که پخپل نوم فعالیت کولو نو هم په مقتدره طبقې ښه نه لګیدو اؤ که په بدل نوم فعالیت وکړي نو هم دې تنظیم ته به د خپل کار په مخکې د بوتلو اجازه ورنه کړل شي.

"که پي ټي ایم د هر نوم لاندې کار کوي خو که دده ایجنډه اؤ خبره هم هغه وي کومه چې مخکې کوله نو بیا به پرې بندیز لګي اؤ بیا به کار نه شي کولی ، جلسه اؤ جلوس به یې بند وي ، څنګه چې مخکې بند ؤ ، بیا به هم بند وي"

خبریال طاهر خان وایي ددې حکومتي اقدام نه وروسته پي ټي ایم اوس قانوني حق نه لري چې یوه غونډه وکړي اؤ یا ددې تنظیم نوم په رسنیو کې واخستل شي.

د طاهر خان په خبره "ددې فیصلې نه وروسته ګمان نه کووم چې حکومت به هغوي ته (د جرګې کولو) اجازه ورکړي ځکه چې د مرکزي حکومت کومه فیصله ده هغه په صوبایي حکومتونو اؤ د ضلعو په انتظامیو هم لاګو کیږي".

د حکومت کمزوري دلایل:

طاهر خان وایي اوس داسې نه ښکاري چې پي ټي ایم به په ۱۱م د اکتوبر خپله رابلل شوې جرګه وکړي.

هغه وایي که په بل نوم هم اوس پي ټي ایم فعالیت کوي نو زیات امکان شته چې بیا پرې هم بندیز ولګي.

هغه وایي د کورنیو چارو د وزارت اعلامیه ډیره کمزورې ښکاري اؤ دلایل یې ضیعف دي ، که چرې پي ټي ایم د دې پرېکړې خلاف عدالت ته لاړ شي نو د مرکزي حکومت لپاره به ډیره مشکله وي چې په عدالت کې د خپلو هغو دلیلونو نه دفاع وکړي یا یې ثابت کړي کوم چې یې په اعلامیه کې راوړي وي.

محمود جان بابر بیا وایي د حکومت لخوا په پي ټي ایم د بندیز لګولو سره د پي ټي ایم په جرګه ډیر غټ اثر پریوتی شي ځکه چې یو خو دوي اوس په قانوني توګه ددې غونډې جوړولو وړتیا نه لري اؤ بل کومو ګوندونو یا تنظیمونو ته چې یې جرګه کې دګډون بلنې ورکړي هغوي به هم د یو ناقانونه تنظیم په غونډه کې ګډون کولو ته زړه ښه نه کړي

پښتون تحفظ موومنټ د روانې میاشتې په ۱۱مه نیټه د قامي عدالت په نوم خېبر ته د پښتنو یوه استازې جرګه رابللې چې ددغه جرګې لپاره پي ټي ایم د صوبې ټولو سیاسي ګوندونو ، تنظیمونو اؤ د مدني ټولنو استازو ته بلنې ورکړې دي.

پي ټي ایم وایي د جرګې له لارې به نړۍ ته د پښتنو وطن کې په جنګونو اؤ ترهګرۍ کې د وژل شوؤ اؤ بې درکه کړل شوؤ پښتنو کره شمیرې وړاندې کړي اؤ نړۍ به له حقایقو خبر کړي.

پي ټي ایم د خپلې جرګې لپاره د پېښور سره نزدې په ریګي للمه سیمه کې کمپ لګولی چې په دغه انتظامي کیمپ هم تېره اوونۍ څو ځله پولیسو یرغل کړی ؤ اؤ د پي ټي ایم د پلویانو لخوا لګول شوې خیمې یې سوځولې وې.

منظور پښتین له وړاندې ویلي چې هغه اؤ پلویان به یې په اوچ زور د پښتنو رابلل شوې قامي جرګه کوي.