په پېښور کې د تازه سبزيانو د تخمونو سوداګر وايي د تېر کال راهیسې ګاونډي هېواد افغانستان ته د تخمونو په لېږلو بنديز لګولی شوی دی چې له کبله يې کاروباريان د تاوان سره مخ دي۔ کاروباريان وايي پېښور د افغانستان دپاره د ټخمونو لويه منډۍ ده که دغه بنديزونه پورته نشو نو انديښنه ده چې د سيزو په پيداور اغيزي پرېباسي.
په پېښور کې ګوړې د منډۍ په څنګ کې د سبزو د تخمونو لوی مارکيټ دی.کاروباریان وايي د افغانستان د سبزو د تخم اتيا فېصده ضرورت د دې مارکيټ نه پورا کيږي۔ سوداګر وايي د وروستي يو کال راهېسي د دواړو هېوادونو لخوا په تخم استولو د بنديز لسببه ي کاروبار غورځېدلی دی.
د پاکستان حکومت او په افغانستان کې د طالبانو حکومتي چارواکو د تخمونو په تجارت د بنديز په حقله کوم دریځ نه دی څرګند کړی.
په پېښور کې د سرحد چېمبر اف کامرس چارواکي د تخمونو کاروباروان د ډيرو ستنزو سره مخ دي، وايي په دي حقله يې د خېبر پښتونخوا ګورنر او حکومتي چارواکو سره څو وارې ملاقاتونه کړي دي خو دې مسلې ته يې پام نه دی کړی.
د سبزو د تخمونو د منډۍ سوداګر وايي په راتلونکي شل پنځويشت ورځو کې د افغانستان په يوشمير ولايتونو کې د سبزو د بزغلو د کروندي سيزن شورو کيږي خو په تجارتي لارو د بنديز له امله انديښنه ده چې کرونده ګر د ستنزو سره مخ شي۔
د سرحد چېمبر اف کامرس چارواکې د پاکستان او افغانستان ترمنځ د کال دوه زره يولسم پوري د دوه اعشاريه شپږ بيلينه امريکاېي ډالرو دوه اړخيزه تجارت و خو په وروستيو يولس کالونو کې دغه تجارت اووه سوا ميلين ډالر ته را پروتی دی.
تاجران وايي څنګه په افغانستان کې د پاکستان د سیمټو، د وسپني، د اوړو او د ځینو نورو شیانو نورو ملکونو ونيولو دغه شان ليدل شوي د تازه سبزو د تخم د پاکستان مارکيټ ته ايران او د مينځي ايشيا ملکونو لاس غزولي دي.
Forum