پولیس وایي د خېبر پښتونخوا په ناکراره قبایلي ضلعه بره کورمه کې د شیعه ګانو اؤ سنيانو ترمنځ د پېل شوې جګړې ودرولو لپاره سیمې ته په روانه سرکاري قافله وسله والو ډزې کړي چې پکې اسسټنټ کمشنر اؤ دوه پولیس ژوبل شوي دي.
د خېبرپښتونخوا د جنوبي ضلعې بنو په بکاخېل کډوالو کمېپ کې، وزيرستان کډوال دعوه کوي، سهار وختي په کېمپ کې پوځي عمليات کېدل، عملياتو کې يو تنکی ماشوم وژل شوی او بل ژوبل شوی دی.
د خېبرپښتونخوا حکومتي وياند افغانستان مذاکراتو په اړه ويلي، "د مرکزي حکومت د منظورۍ وروسته به پلاوی يا وفد افغانستان ته لېږي، مقصد یې قبايلي ضلعو کې امن په ځای کول دي، مذاکرات به د قبايلي قومونو ترمنځ وي، د خوارج سره هیڅ مذاکرات نه شي کېدی".
د خېبر پښتونخوا صوبې په سویلي سیمو کې په تېرو 24 ساعتونو کې د امنیتي ځواکونو او پولیسو پر ضد څلور بیلا بیل بریدونه شوي، د یو پوځي افسر مېجر په ګډون پکې پینځه سرتېري عسکر وژل شوي او اته نور ټپیان شوي دي. د دې ترڅنګ په ډېره اسماعیل خان کې وسله والو یو پولیس اهلکار هم تښتولی دی.
په شمالي وزیرستان کې د امنیتي ځواکونو او وسله والو تر منځ سخته نښته کې د پاکستاني پوځ یو لوړ پوړي افسر په ګډون دوه عسکر او څلور وسله وال وژل شوي دي.
د خېبرپښتونخوا صوبايي اسمبلۍ په صوبه کې د زرعي ټېکس لګولو قانون منظور کړی، خو کرونده ګر وايي په صوبه کې کرکيله يا زراعت د تاوان سره مخ دي، بايد چې حکومت د ټېکس یا ماليې لګولو په ځای کرونده ګرو ته اسانتياوې برابرې کړي.
د پاکستان برني اېوان سېنېټ هم لانجمنه پيکا قانون منظور کړو، اوس به دغه قانون صدر ته د لاسليک کېدو دپاره لېږلی شي. بل لور ته پاکستان کې د جرنلسټانو مرکزي تنظيم [پي اېف يو جی] نن د دغه قانون پرضد احتجاجي مظاهرې کړي دي.
کوټه کې ترسره شوې څلور ورځنۍ ولسي جرګې غوښتنه کړې، چې د کوټې ضلعې دا استازې جرګه اعلان کوي، "پاکستان دې هغو ټولو افغانانو ته چې دلته زېږېدلي، تعليم یې ترلاسه کړی، کورنۍ یې د څلورو لسيزو راهسې دلته ابادې دي، دوی دې د پاکستان وګړي ومنل شي او دوی ته دې شناختي کارډونه جاري کړي".
نور کتل
