پاکستان کې سږ کال د پوليو 16مه پېښه مخې ته راغله، د پوليو د مخنيوي پروګرام ترمخه د پوليو تازه پېښه د سيند صوبې په حېدر اباد کې معلومه شوې ده. له دې وړاندې هم په سيند صوبه کې د پوليو دوه نورې پېښې په کراچۍ او شکار پور کې رپورټ شوې وې.
د پوليو د مخنيوي پروګرام نن د 23م اګست په سهار مطبوعاتو سره شريکه کړې خبر پاڼه کې وويل، حېدر اباد کې د 29 میاشتو په ماشومه کې د پوليو وايرس موندل شوي دي.
د پوليو دپاره د وزيراعظم فوکل پرسن عايشه رضا فاروق وويل، حېدر اباد کې د څلورو مياشتو څخه د پوليو وايرس موجود دي، او د پوليو وايرس چې هر چرته وي، د هر ماشوم دپاره خطره ده.
فاروق زياته کړه، د صوبو سره مشورې روانې دي او د پوليو د خورېدو د مخنيوي دپاره په کوټلې تګلاره عمل کولی شي.
هغې وويل، په سمتبر کې به د پوليو ضد مهم کولی شي.
د پوليو د مخنيوي قامي بېړني مرکز کوارډينېټر انوار الحق وویل، د پوليو د تازه پېښې پوره پلټنې کولی شي، او حېدر اباد او کراچۍ کې د پوليو وايرس موجود دي.
چارواکو په مياندو پلارانو بيا غږ کړی، چې ماشومانو ته د پوليو ضد څاڅکي ضرور ورکړي.
پاکستان کې سږ کال تراوسه پورې د پوليو په رپورټ شوو 16 پېښو کې 12 يواځې په بلوچستان صوبه کې مخې ته راغلي دي.
په دغو 12 پېښو کې پينځه يواځې په قلعه عبدالله کې رپورټ شوې، نورې يوه يوه په قلعه سېف الله، چمن، ژوب، کوټه، ډېره بګټي، جهل مګسي، خاران کې شوي دي.
درې د سيند صوبې په شکار پور ،کراچۍ کيماړۍ او حېدر اباد کې او يوه د پنجاب په چکوال کې رپورټ شوې ده.
پرون په 22م اګست د پوليو د مخنيوي پروګرام ویلي وو، د خېبرپښتونخوا او سيند صوبې په درېو ضلعو، او د وړاندې نه په اغېزمنو اتو ضلعو کې د پوليو وایرس تصدیق شوی دی.
ويل شوي، سږ کال د ملک په 68 ضلعو کې د پوليو وايرس موندل شوي، کوم چې څرګندونه کوي چې نه يواځې د دغو ضلعو بلکې د ملک ټول ماشومان پرله پسې د پوليو د خطرې سره مخ دي.
پاکستان کې د پوليو د مخنيوي چارواکي وايي، پاکستان او افغانستان يواځيني هيوادونه دي چرته چې د پوليو وايرس شتون لري، او که يو ځل د پوليو وايرس ختم شي د تل دپاره ختميږي ځکه د دې وايرسو په ختمولو ټينګار کولی شي.
Forum