پاکستان کې څيړونکي او خبريالان وايي، د امريکا د نوي صدر ټاکنه به یواځې د امریکا د کورني سیاست نه، بلکې د جګړې او شخړو په مینځ کې د ټولې نړۍ پشمول پر پاکستان هم اغېزې ولري. خو پاکستان به غواړي چې که هر څوک د امریکا صدر جوړيږي، ښې اړيکې ورسره وساتي.
پاکستان د ډانلډټرمپ او کاملا هېريس ترمنځ سیالي له نږدې څاري. د سیاسي او نړيوالو چارو کار پوهان وايي، دا به د پاکستان په اړیکو د پام وړ اغېزې ولري. ځکه چې دا پریکړه به د امنیتي همکارۍ، اقتصادي اړیکو او سیمه ییز تحرکات سره هم تړلې وي.
د نړیوالو چارو کار پوه متين حېدر وايي، "په امریکا کې د حکومت د بدلون سره به په یقینې توګه په پاکستان کې هم سیاسې بدلون راځې، ځکه چې د امریکا د پاکستان په سیاست هر کله اغېزې وي. او واشنګټن کې که چري یو حکومت بدل شي نو د حالاتو تر مخه به د پاکستان سره اړیکو ته ګوري".
د پاکستان د بهرنیو چارو د وزارت ویاندې ممتاز زهره بلوچ د اکتوبر په ۳۱مه ویلي وو، پاکستان له امریکا سره ښې او اسانه اړیکې غواړي او په دې برخه کې به کار کوي.
د نړیوالو چارو کار پوه علی حسېن وايي، تمه کیږي چې د امریکا پالیسي به همداسې پاتې شي.
د نوموړي په خبره، "که تاریخ ته وګورو نو پاکستان او امریکا د بو بل سره اړیکې د جینوا ستراتیجیکې حالاتو سره تړلې دي. که ریپبلکن راځي او که ډیموکریټس راځي هغه به ګوري چې پاکستان سره څه رنګه اړیکو ته اړتیا لري".
پاکستان تحریک انصاف ګوند تمې لري چې په امریکا کې د حکومت د بدلون سره به د عمران خان د خوشي کیدو لارې پرانستل شی.
متين حېدر وايي، "د عمران خان د امریکا د صدر ډانلډ ټرمپ سره شه اړیکې وې او که چري اوس ډانلډ ټرمپ راځي نو د عمران خان سمدستي خوشي کیدل به ګران وي خو امریکا په پاکستان سفارتي او سیاسي فشار راوستلی شي".
څیړونکي دا هم وایي چې جدي مسلې لکه د موسمیاتي بدلون او د پاکې انرژۍ همکارۍ ممکن د ټرمپ په مشرۍ لومړیتوب نه وي. او که کاملا هېريس وګټي، هغه تمه لري چې پالیسي به تر ډیره حده ورته پاتې شي، له پاکستان سره محدودو اړیکو تر ځنګ د احتمالي اقتصادي ملاتړ امکان کېدای شي.
Forum