د جنوبي وزیرستان په واڼه ښار کې په زرګونو خلکو د ناامنۍ په ضد ولسي پاڅون او کاربندیز کړی او ویلي یې دي دوي نور په یو صورت هم پخپله خاوره کې اپرېشنونه، ترهګري اؤ ناامني نه مني.

د جمعې په ورځ راجوړ شوي دې ولسي پاڅون کې د بیلابیلو سیاسي ګوندونو مشرانو، ولسي استازو، قامي مشرانو، د مدني ټولنې اؤ ولسي تنظیمونو غړو برخه اخستې وه اؤ د ناامنۍ اؤ ترهګرۍ پر ضد یې کلک شعارونه ورکول.

ددې احتجاجي لاریون په مهال واڼه بازار په بشپړ ډول تړل شوی ؤ اؤ په سیمه کې سخت امنیتي ګامونه اخستل شوي وؤ.

د واڼه بازار څخه په تېرېدو دغه لاریون د میرزا عالم پمپ سره نزدې په یوه لویه جلسه بدل شو چې ورته ورته سیمې نه د قامي اسمبلۍ منتخب غړي زبېر وزیر، پښتون ژغورنې غورځنګ مخکښ مشر علي وزیر او د بیلابیلو ګوندونو سیمه ییزو مشرانو ویناوې وکړې.

ویناوالو وویل په سیمه کې امن پر ځای ساتل اؤ د ترهګرۍ مخنیوی د ریاست ذمه واري ده اؤ ریاستي ادارې باید باید د امن په ټینګښت کې سنجیدګي وښیي.

هغوي وویل ترهګرۍ اؤ پوځي عملیات د سیمې د خلکو ژوند، روزګار اؤ اقتصاد تباه کړی اؤ اوس د ریاست نه د امن غوښتنه کوي خو ګواښ یې وکړو چې که د امن غوښتنه یې ونه منل شي د خپلو پرامنه احتجاجونو لړۍ به نوره پسې وغځوي.

د جلسې په پاي کې د پاڅون یو منتظم مولانا نیک محمد د ۱۴ نکتو یوه اعلامیه خپره کړې ده چې په هغې کې ویل شوي د امن ټینګښت د ریاست ذمه واري ده اؤ د امن په نوم به سیمه کې هیڅ لښکر، کمیټي یا مسلح تنظیم ونه منل شي.

ولسي پاڅون سیمه کې د پوځي عملیاتو سره سخت مخالفت ښودلی اؤ ویلي دي چې عملیاتو کې عام خلک زیانمن کیږي.

دوي غوښتنه وکړه چې په دې وروستیو کې په هدفي بریدونو کې د وژل شوؤ مولانا مرزا جان اؤ مولانا دین سعید قاتلان دې زر تر زره ګرفتار اؤ د انصاف محکمې ته راکش کړل شي.

د پاڅون برخه والو وغوښتل چې د سیول انتظامیې په اختیاراتو کې دې د مداخلې لړۍ ودرول شي اؤ د غیر اییني اؤ غیر قانوني ګامونو مخه دې ونیول شي.

د پاڅون برخه والو د افغانستان سره د انګور اډې د لارې هر رقم تجارت لپارهد پرانستو غوښتنه هم وکړه اؤ وي ویل په کوز جنوبي وزیرستان کې باید ولس اؤ سرکاري ملازمانو ته بشپړ تحفظ ورکړل شي.

پاڅون پخپله اعلامیه کې سیمه کې د تورو شیشو په ګاډو، په منشیاتو اؤ د وسلې په نمایش د بندیز غوښتنه وکړه اؤ وي د سیمې نه ټول لادرکه کسان اؤ سیاسي قیدیان باید عدالتونو ته وړاندې کړل شي.

په سیمه کې د هدفي وژنو، بهته خورۍ، تښتونو اؤ بمي چاودنو د لړۍ ودرولو غوښتنه هم وکړل شوه.

د جنوبي وزیرستان انتظامي مشر یا ډپټي کمشنر محمد ناصر خان وي او ای ډیوه ته ویلي د امن پاڅون چې کومې غوښتنې کړي د سیمې د خلکو اؤ مشرانو په ملتیا به انتظامیه د هغې د پوره کولو هڅه کوي .

هغه ویلي چې انتظامیه په سیمه کې دامن ټینګښت ته جدي ده اؤ هیچاته اجازه نه ورکوي چې د سیمې امنیت ګډو وډ کړي.

ایشیایي پرمختیایي بینک د پاکستان لپاره د ۴۰ کروړه ډالرو د قرضې منظوري ورکړې اؤ پاکستاني مطبوعات وایي ښیي چین اؤ سعودي هم پاکستان نه د خپلو ۹ اربه ډالرو د پورونو ستنولو موده لا پسې وغځوي.

خو په عین حال کې د پاکستان د قامي اسمبلۍ د اقتصادي چارو قایمه کیمټې ته ویل شوي چې پاکستان کې د سیاسي وجوهاتو له امله بهرني سرمایه کاران هیڅ خبرې کولو ته تیار نه دي .

کمیټې ته ویل شوي د جېنوا په کانفرنس کې چې د سیلاب ځپلو سره د ۱۰ اربه ډالرو د مرستو کومې ژمنې شوې وې هغې کې تر اوسه پاکستان ته یوازې درې اربه ډالر ورکړل شوي دي.

ډان نیوز د ایشیایي پرمختیایي بینک د چارواکو له خولې پخپل رپورټ کې ویلي چې پاکستان ته ورکړل کیدونکي دا ۴۰ کروړه ډالر به په سیند صوبه کې دسیلاب نه د اغېزمنو کورنیو په بحالۍ اؤ مرستو مصرفولی شي.

چارواکو ویلي دوه نیمو لکه سیلاب ځپلو کورنیو ته به د کورونو جوړولو لپاره مرستې په نغدي ډول ورکول کیږي.

ایشیایي پرمختیایي بینک په ۵م جون د پاکستان لپاره د ۲۵ کروړه ډالرو د پور منظوري ورکړې وه.

د ایشایي ترقیاتي بینک له لوري به دا ۲۵ کروړه ډالر د پاکستان حکومت ته اساسي ځاندره یا انفراسټرکچر کې د سرمایه کارۍ مد کې د مرستې لپاره ورکول کیږي.

د پاکستان ایکسپریس رسنۍ د جمعې په ورځ ویلي کیدای شي چین اؤ سعودي عرب هم دمالي کال ۲۰۲۴-۲۵م لپاره پاکستان نه د خپلو غوښتل کېدونکو نهو اربه ډالرو د ستنلو موده نوره هم وغځوي.

رپورټ کې د پاکستا د اقتصادي چارو د وزارت د سرچینو له خولې ویل شوي پاکستان اړ دی چې سږکال ۲۰ اعشاریه ۸ اربه ډالرو نه زیاتې پیسې بیلابیلو هیوادونو اؤ ادارو ته ور ستنې کړي.

دا په داسې حال کې ده چې په پاکستان کې په دې وروستیو کې سخت سیاسي اړی ګړی رامنځته شوی اؤ د ترهګرۍ لړۍ نوره هم چټک شوې ده.

پاکستاني مطبوعات وایي تېره ورځ د قامي اسمبلۍ د اقتصادي چارو قایمه کیمټې ته ویل شوي چې پاکستان کې د سیاسي وجوهاتو له امله بهرني سرمایه کاران هیڅ خبرې کولو ته تیار نه دي اؤ د سیلاب ځپلو سره چې د ۱۰ اربه ډالرو د مرستو کومې ژمنې شوې وې هغې کې تر اوسه پاکستان ته یوازې درې اربه ډالر ورکړل شوي دي.

غونډې ته داقتصادي چارو وفاقي سکتر پخپل بریفنګ کې ویلي چې د ملک سیاسي حالات داسې دي چې بهرني سرمایه کاران په دیامیر بهاشا ډیم سرمایه کارۍ لپاره خبرې ته هیڅ تیار نه دي اؤ دا مهال په دغه ډیم یوازې د ترقیاتي پروګرام نه پنګې لګول کیږي.

هغه ویلي د سېلاب ځپلو د مرستو لپاره د جېنوا په کانفرنس کې د ۱۰ اربه ډلرو د مرستو ژمنې شوې وې خو په دې پیسو کې پاکستان ته تر اوسه درې اربه ډالر ورکړل شوي دي.

د پاکستان مرکزي بېنک سټېټ بېنک روانه اونۍ ویلي، په تېر مالي کال 2023/24م کې د کرنټ اکاونټ خساره په ریکارډ کچه کمه شوې او اقتصاد پوهان وایی د بهر هیوادونو څخه په ترسیلات زر کې زیاتوالی او تجارتي خسارې د کمي له وجې په امدن او خرڅونو کی فرق کم شوی خو په راتلونکې کې دې سره په اقتصادي پرمختیا یا شرح نمو هم اثرات کېدای شي.

چين د پاکستان چاينا اقتصادي راهدارۍ د منصوبې يا سي پېک لاندې په پاکستان کې د توانايۍ او سړکونو په منصوبو کې نزدې د 64 بيليونه ډالرو سرمايه کاري کوي خو په دې تېرو وختونو کې د سي پېک په منصوبو کار ورو شوی، او غټ علت یې په پاکستان کې په چينايي کار کوونکو حملې بلل کېږي خو پوهان وايي ددې نه علاوه هم ځينې نور وجوهات شته.

اقتصاد پوه شاهد محمود وايي ډیوه ته ویلي "د سي پېک په دوېم پړاو چين کار ځکه نه شورو کوي چې چين غوښتنه کوي بايد لومړي پړاو کې د توانايې د انډپنډنټ پاور پروډيوسر پاتې پېسې ورکړي او مونږ هم د سي پېک د لومړي پړاو د پروژې نه هيڅ ګټه پورته نه کړه او دغه خو تشې قرضې دي چې اوس يې مونږ بېرته نه شو واپس کولی"

اقتصاد پوهان وایي د پاکستان اقتصاد په درامداتو اډاڼه لري او په درامداتو د بندیزونو او د حکومتي ټیکسونو له وجې اغیزمن کیدی هم شي.

اقتصاد پوهان وايي، پاکستان دا وخت د غېر ملکی زرمبادله د کمي سره مخ دی او که خساره سېوا کیږی نو دې سره به د پاکستانی روپۍ په قیمت هم منفي اغېزې کيږي.

د خېبر پښتونخوا صوبې وزیراعلا علي امین ګنډا پور په بنو کې د امن پرلت ګډون والو ته خپله وینا کې ویلي چې په ګرده صوبه کې به هیڅ رقم پوځي عملیات نه کیږي.

خو وزیراعلا بیا د امن پرلت برخه والو ته وینا کې د سیمې د اوسېدونکو د دې غوښتنو په اړه څه څرګندونه و نه کړه چې د امنیتي ځواکونو لخوا د پښتنو سیمو کومې چاپې وهل کیږي اؤ عام خلک پکې نیول کیږي ایا د دغو چاپو اؤ د بېګناه خلکو د نیولو لړۍ به هم ودرول کیږي که نا؟

د سیمې نه د ډیوه دخبریال عدنان بیټني له مخې، وزیر اعلا ګنډا پور وویل پولیسو ته امر کوي چې په صوبه کې به یوازې قانوني فورسسز یا ځواکونه خپل فعالیت کوي اؤ څوک چې ددغسې فعالیتونو قانوني اجازه نه لري او مسلح فعالیتونه کوي د هغوي خلاف باید قانوني اقدام وکړي.

د وزیراعلا اشاره د هغو وسله والو ډلو لوري ته وه چې د ځايي اوسېدونکو په وېنا ګډ یا غوره طالبانو په نوم سیمه کې باقاعده خپل دفترونه لري اؤ مسلح ګزمې کوي.

پخپله وینا کې وزیراعلا پښتون ژغورنې ته په اشاره وویل، کوم خلک چې د امنیتي ادارو اؤ "شهیدانو" سپکاوی کوي هغه نه "زمونږ څخه دي اؤ نه د زغملو وړ دي."

هغه وویل د بنو د افسوسناکې پېښې نه وروسته د انتظامیې سره په مرستې کولو د بنو د ولس اؤ مشرانو مننه کوي.

علي امین ګنډا پور وویل د بنو ولس اؤ مشرانو حالات له خرابېدو بچ کړل اؤ یو مثبت رول یې ولوبولو.

د هغه وینا وه چې د بنو امن کمیټې څومره غوښتنې وړاندې کړې وې هغه ټولې ایپکس کمیټۍ منلي دي او که په دې کې کوم کسر پاتې شوی وي نو هغه به هم پوره کولی شي.

د وزیر اعلا وینا وه چې امن "زمونږ حق دی اؤ مونږ به خپل دا حق غواړو نه بلکې اخلو به یې."

هغه د چا له نوم اخستو پرته وویل د ځېنو خلکو د ناسمو تګلارو اؤ پالیسو په وجه مونږ ډیر زیانونه ولیدل اؤ ډیرې قربانۍ مو ورکړې خو اوس ډاګیز وایو چې امن ته اړتیا لرو اؤ یوازې د امن پلوي یو.

علي امین ګنډا پور وویل ، د وزیراعلا په توګه اعلان کوي چې صوبه کې به هیڅ پوځي اپریشن نه و شي .

"مونږ د خپلې خاورې اؤ امن له خاطره خپل کورونه اؤ کاروبارونه پرېښودل اؤ کډوال شو ، په نورو صوبو کې چې راته څنګه وکتلی شول په دې هم اندېښنه لرو "

هغه وویل نورې به " مونږ خپلې فیصلې پخپله کوو اؤ هیڅوک به پرې نه ږدو چې په مونږ خپلې فیصلې مسلط کړي."

وزیراعلا د ترهګرۍ په ضد په سوشل میډیا د غږ پورته کولو له امله د پولیس فورس نه د ویستل شوي یو عسکر جمشید خان په نوکرۍ د بحالولو اعلان هم وکړو خو بنو چې په اقتصادي لحاظ د خېبر پښتونخوا یوه پسمانده سیمه ګڼل کېږي د دغه سیمې لپاره یې خپله وینا کې هیڅ د ترقیاتي کارونو یا پنګو ورکولو اعلان ونه کړو.

د بنو کې د وزیراعلا د جلسې لپاره سټیج په هغه ځای کې راجوړ کړل شوی ؤ چې په ۱۹مه جولای ترې ولسي پاڅون پیل شوی ؤ اؤ د سیټیج مخه د هغه کوڅې لوري ته ګرځول شوې وه چې د پاڅون په برخه والو ترې ډزې شوې وې

پاکستاني چارواکي په دې خبره زور ورکوي چې په ملک کې یو څو زره چینایانو ته د تحفظ ورکولو توان لري. دا په داسې حال چې سږ کال په پاکستان کې د ترهګرۍ په پېښو کې په سوونو عام خلک او امنیتي عسکر وژل شوي دي.

د امنیتي چارو څېړنکار احمدرشید د چین له اړخه په تکرار پاکستان نه د خپلو وګړو لپاره د تحفظ غوښتنو ته په ایشاره وايي د چین لخوا داسې غبرګون يي وړاندې چرته نه وو لیدلی.

د چین یو نزدې ملګری پاکستان دا وخت د انرجۍ او د چین پاکستان اقتصادي راهدارۍ منصوبه کې د روانو منصوبو لپاره د اربونو ډالرو سرمایه د ترلاسه کولو هڅه کوي. د چین پاکستان راهدارۍ منصوبه د بیجنګ د کمربند او سړک نړیوالې پروجې یوه مهمه برخه ده.

دغه پروجه چې سي پېک په نوم پیژنده شي د ریاست خلاف جګړه کونکو تندروه وسله والو او بلوچ بیلتون خوښو لخوا ځپل شوې ده چې پکې چینايي وګړي او پروجې په هدف کوي.

د کال 2017 راپدیخوا پاکستان کې 19 چینايي وګړي وژل شوي دي. د پښتونخوا په بشام سیمه کې د مارچ په میاشته کې چینايي وګړو باندې ځانمرګه برید هغه وخت اوشو چې له دغې څو ورځې وړاندې د چین لخوا جوړ ژور سمندري بندر ګوادر باندې وسله والو یرغل کړی و.

د دواړه هیوادونو ترمینځ انتهايي مهمې دواړه اخیزه اړیکې د خرابیدو نه بچ کولو په خاطر پاکستان سمدستي چینايي چارواکو سره لیدو کتو کې چینايي وګړو ته د مکمل تحفظ ورکولو ژمنې تکرار کړې.

د جون په میاشته کې پاکستان پس له هغې د ترهګرۍ ضد ګرد هیواد کې د کمپاین اعلان اوکړو کله چې د چین یو ستر چارواکي پاکستان ته د سفر په وخت ځايي مشرانو ته وویل ؛ لمړۍ څیز چې د چینايي وګړو پاکستان کې د سرمایه کارۍ کولو باور ته يي زیان رسولی هغه ددوي امنیتي وضعه ده.؛

نوي پکې څه دي؟

د پاکستان د پوځ یو مخصوص ډله او د صوبې خصوصي پولیس دستې په پاکستان کې چینايي پروجو او وګړو ته په تحفظ ورکولو معموره دي. ځايي استخباراتي ډلې د خارجیانو د کار او اوسیدلو د ځایونو ریکارډ ساتي. چینايي وګړي پاکستان کې د یو ښار نه بل ته په بولېټ پروف ګاډو کې د پولیس په بدرګه کې سفرې کوي.د چین له خوا د هرې پروجې چې پکې چینايي وګړي کار کوي د هغې یو سلنه پېسې په تحفظ مصرف کیږي.

د ترهګرۍ ضد یو مخصوص امنیتي چارواکي وایس اف امریکا ته ویلي؛ دغلته فشار دی په پاکستان چې د چینايي وګړو او پروژو تحفظ یقیني کړی شي.؛

لويي پروجې د نزدې ښارګوټو څخه قطع کړی شوي او ورته د عامو خلکو رسايي محدوده کړی شوې او کوم ځايي خلک چې دغې کې کار کوي هغوي ته ازغن تارونه لګول شوي او د پولیس لخوا تالاشۍ کیږي.

په بشام کې د حملې ورستو داخله وزارت د صوبو ترمینځ د همکارۍ لپاره د خارجیانو د تحفظ په نوم ډلې ګمارلې دي.پایه تخت اسلام اباد کې د چینایانو تحفظ لپاره نوې د خصوصي پولیسو ډله پرځاۍ کړې.

وایس اف امریکا ته اویلی شو چې پولیس ته خاص نوې تربیتي روزنه او الات ورکړی شوې. چرته چې چینانيي وګړي اوسیږي یا پروجي موجود دي هلته امنیتي عسکرو شمېر سیوا کړی شوی.
یو بل څیز چې وایس اف امریکا ته اویل شو هغه ده چې خاو شا سیمو کې د اوسیدونکو خلکو ریکارډ اخستل دي، چې دغلته مېشت خلک څوک او د کوم ځاۍ دي.

د چین مرسته

پاکستاني چارواکو هغه راپورونه رد کړي چې ګنې چین پاکستان کې د خپل عسکرو پرځاۍ کولو هڅه کوي خو زیاتوي چې د دواړه ملکونو قانون پرځاۍ کونکو عسکرو ترمینځ همکاري د وړاندې نه موجود ده.

د ترهګرۍ په ضد جوړ د خصوصي عسکرو د بلوچستان صوبې مشر اعتزاز ګورایا وایس اف امریکا ته ویلي ؛ دوي د تحفظ خصوصي عسکرو په جوړولو کې خپلې مرستې وړاندې کړي دي او دوي ته د ځيني الاتو ورکولو ژمنې يي هم کړي دي. چې پکې ځېني رارسیدلي او ځېني په لار دي. بلوچستان کې کم از کم دا یو دوامداره عمل دی.؛

چارواکي امید لري چې د کال ترپایه به ګوادر کې د یو محفوظه ښار پروګرام جوړوي. دې پروجه کې به په سوونو د څارنې کېمرې لګول کیږي، چې د یو مرکزي کمان مرکز نه به کنټرول کیږي او د ښار د ځايي اوسیدونکو څارنه به د ټاورو نه هم کیږي.

د ځايي خلکو غبرګون

د چینايي کارکونکو لپاره د امنیت ټینګولو په سر د پاکستان ځايي خلک هم خوشاله نه دي.په ګوادر کې چرته چې د پاکستان پوځ امنیت په لاسو کې اخستی، دغلته د غربت ښکار ځايي خلکو په نزدې کلونو کې درنې احتجاجي مظاهرې کړي او ګیله کوي چې د چین په مالي مرسته روانو دغه پروجو کې ددوي برخه نشته،ددوي د ګټو وسیلې يي ختمې کړي او ګرځیدل يي هم محدوده شوي دي.

یو ځايي مدني فعال نعیم غفور وايي ؛ د سړک په غاړه تر پینځو شپږو کلومټرو پورې چې کله چینايي وګړي هوايي ډګر ته تګ کوي ورته دوکانونه او ریستورانونه تړلی کیږي.؛

په ګرد هیواد کې د ترهګرۍ ختمون لپاره د اعلانه کړل شوو نوي عملیاتو عزم استحکام په ضد پښتونخوا صوبه کې سخت غبرګون مخې ته راغی چرته چې ځايي خلکو پخواني پوځي عملیاتو کې په لويه کچه بی کوره کیدل او تباهي لیدلې ده.

د امنیتي چارو څیړنکار احمدرشید وايي پاکستان ترهغې چینايي وګړو ته تحفظ نه شي ورکولی تر څو چې لمړی خپلو خلکو ته تحفظ نه وي ورکړی.

د پاکستان او د هندوستان ترمنځ د کارګل په غرونو کې د چنګ ۲۵ کاله پوره شوو او واړه ملکونه په دې جنګ کې د کامیابۍ دعوېدار دي.

د هند وزیراعظم نرېندره مودي د جمعې په ورځ په کارګل کې په جنګ کې د وژل شویو هندي عسکرو په یادګار یې حاضري ورکړه او یوې دستورې ته يې خطاب وکړو.

مودې دستورې ته وویل د کارګل جنګ نه دا سبق اخیستل کېږي چې د ریاست د تحفظ دپاره قرباني همېشه دپاره یادېږي او پېړۍ تېرې شي مګر د هغو کسانو نومونه یادولی شي چې د ریاست دپاره يې د خپل ځان قرباني ورکړي.

هغه وویل د کارګل د جنګ په مهال هندونستان د امن کوښښونه کول خو پاکستان یو ځل بیا خپل مخ وښودلو خو د مودي په قول د تاریخ په مخکې ترهګرو ماتی وخړو.

هندي وزیراعظم وویل پاکستان چې په تېرو وختونو کې څومره اقدامات هم کړي دي ماتی يې په کې خوړلی دی خو پاکستان د خپل تاریخ نه سبق نه دی زدکړی او د ترهګرو په ملاتړ خپل ځان د مضبوطولو کوښښ کوي.

هند او پاکستان د کال ۱۹۹۹ د می او جولای د میاشت ترمنځ ورځو کې د کشمیر په کارګل ضلع او په ځینو نورو علاقو کې محدود جنګ وکړو.

د وي او ای د اردو څانګې د رپورټ ترمخه د کارګل د غرونو په څوکو چې اکثر په واورو کې پټې وي هندي خواکونو به چې موسم ښه و نه قبضه وکړه او په موسم کې د شدت په مهال به يې د غرونو څوکې پرېښودې او مېداني علاقو ته به يې تګ وکړو.

د کال ۱۹۹۹ د فېبرورۍ په شروع کې هندي ځواکونه د کارګل غرونو ته لا بېرته ته وو تللي چې د پاکستاني پوځ نادرن لایټ انفېنټري (اېن اېل ایي) او د پاکستان په قول مجاهدین د کارګل په غرونو قبضه وکړه. هندي پوځ او استخباراتي ادارو ته د کارګل په غرونو د پاکستان د قبضې علم نه و.

خو د ګرمۍ په موسم کې چې د پاکستان د دغه مهم جويي علم وشو نو قبضې د ختمولو دپاره د پاکستاني او هندي ځواکونو ترمنځ شدید جنګ شروع شو. هندي پوځ په کې د هوايي ځواکونو استعمال هم وکړو.

د جمعې په ورځ د کارګل جنګ دستوري ته خطاب کې مودي وویل نن د هغه ځای څخه وېنا کوي د هغه په قول د "ترهګرۍ اقاګان" د هغه اواز نېغ په نېغه اورېدلی شي.

هندي وریراعظم وویل "د ترهګرو سرپرستو" ته وېل غواړي چې ناپاکې منصوبې به يې کامیابېدو ته نه پرېږدي او "زمونږ جانباز به يې په پوره طاقت چقوي، دښمن ته به خوله ماتی جواب ورکول کېږي."

په کارګل کې د دریو میاشتو د جنګ وروسته هندوستان د کال ۱۹۹۹ د جولای د میاشت په ۲۶ نېټه د ایرېشن وجی د کامیابۍ او د خپل پوځ د فتح اعلان وکړو.

پاکستان خلاف د خپل بریا په لړ کې هند د جولای په ۲۶ نېټه کارګل وجی ديواس لمانځي.

په پاکستان کې د ځینو تجزیه کارانو دا وېنا ده چې پاکستان د کارګل جنګ بېللی نه دی بلکې د سفارتي دباو په نتیجه کې يې د محاذ نه خپل ځواکونه ستانه کړي وو. د څېړونکو په قول د پاکستان سیاسي حکومت او د پوځ ترمنځ هم اهنګي نه وه او د دواړو د خرابو تعلقاتو اثر د کارګل په مهم هم وغورځېدو او نتیجه يې دا ووتله چې د امریکې صدر بېل کلېنټن په فشار پاکستان د کارګل نه خپل پوځ بېرته راووغوښتلو.

د ځینو تجزیه کارانو دا وېنا ده چې کارګل نه د پاکستان بیانیې ته نقصان رسېدلی دی ځکه چې په مغربي دنیا دا د پاکستان مېس اېډوېنچر یا ناکامه مهم بلي.