په امریکا کې د کرونا واېرس وبا ته ځواب ویلو لپاره ډانلډ ټرمپ د بېړنیو چارو اداره فېډرل اېمرجنسي منېجمنټ په لویه کچه فعاله کړې ده او صدر به د نورو ګامونو پورته کولو لپاره هم زر خپل اختیارات کارولی شي.
صدر ټرمپ په وائټ هاوس کې د شورو په ورځ یو خبري کانفرنس ته ویلي چي که ضرورت پېښ شو نو د دفاعي پېداوار اېکټ به هم وکاروي.
په داسې حال کې چې کرونا واېرس د امریکا ۵۰ ریاستونو او سرښار واشنګټن ډي سي کې تېزۍ سره خورېږي صدر ټرمپ ویلي هغه د جنګ د وخت صدر یعني د جنګ د جنګي وخت صدر ګرزولې دی. مطلب دا چې په جنګي حالت کې به وي.
صدر ټرمپ نن د زیارت په ورځ د بېړنیو چارو د ادارې چارواکو غونډه هم رابللې ده او ددې ترڅنګ به د ریاستي ګورنرانو سره په پېدا شوي صورتحال خبرې هم کوي.
دغه اېکټ د صدر هغه اختیارات پراخه او ګړندي کوي چې ترمخه یې د قامي دفاع لپاره د هېواد صنعتي مرکزونه په کار راولي.
ددې ترڅنګ په دې موجوده حالاتو کې به د ماسکونو او د صحت الات پېداوار زیات کړی شي.
د خبري کانفرنس په وخت صدر ټرمپ د دوه پوځي هسپتالونو لېګلو اعلان هم وکړلو چې یو به نیویارک ته لېګل کېږي او د بل تعین به وروسته کېږي.
د دفاع وزیر مارک اېسپر ویلي دي چې د امریکايي پوځ مېدانونه او د موبائل هسپتالونه به هم د بېړني حالت چارو لپاره تیار وي.
مارک اېسپر زیاته کړه چې پوځ به تیار وي چې د خلکو د صحت او د نورو بېړنیو حالاتو لپاره کارکونکو ته د سا اخستلو او اپرېشنونو لپاره حفاظتي اېن ۹۵ ماسکونه ورسوي.
د کرونا مخنیوي لپاره د جوړ شوي ټاسک فورس د چارواکو سره په وائټ هاوس کې دخبري کانفرنس په وخت صدر ټرمپ وویل چې دوي به په لکهونو شمېره د حساسه ناروغانو لپاره د سا اخستلو وېنټی لېټر مشینونه هم اخلي.ممکنه ده روانه اوونۍ کانګرس د بېړني کارونو لپاره د یو ټرېلین ډالرو منظوري هم ورکړي
