بلوم برګ په خپل رپورټ کی وایي د روان کال په اخېره کی امکان دی چې یو ډالر 350 روپو ته ورسېږي.
د اقتصاد ماهر سجاد احمد وایي پاکستان روان مالي کال د قرضو د واپسۍ او کرنټ اکاونټ خسارې په مد کې 25 اربه ډالره ته ضرورت لري. حکومت وايي چې دې کی به د نیمو قرضو مېعاد وغځول شي خو نزدې د 12 اربه ډالرو بندوبست به کول وي چی په کې د 6 اربه ډالرو پاکستان بندوبست کړی. په نړی وال مارکیټ کې د زیات سود له وجې به پاکستان ته په نورو قرضو اخستو کې مشکلات پېښ وي.
سجاد احمد وايي “دا وخت پاکستان سره د 6 اربه ډالره نور کمی دی چې قرضونه واپس کړي او بله دا چې غیر ملکي زرمبادله ذخیره هم زیاته کړي. د تجارتي خسارې او د قرضونو د واپسۍ له وجې زمونږه د زرمبادله ذخیره نه سېوا کیږی او د هغی له وجې پاکستانۍ روپی د فشار سره مخ ده مونږه یوازې کولی شو چې خپل ملک د دیوالیه کیدو څخه بچ اوساتو،،
د پاکستان مرکزي حکومت وایي امکان دی چې ایي ایم ایف پاکستان ته د لنډ مهاله لوظنامې لاندې 700 ميلينه ډالره هم ورکړي خو اقتصادي چیلجونه به روان وي.
د پاکستان نیشنل اکاونټس کمیټي وایي د روان مالي کال په وړمبو دریو میاشتو کې د اقتصادي پرمختیا کچه 2.13 فیصد ته زیاته شوې.
د بلوم برګ په رپوړټ کی ویل شوي په روان مالی کال د ډالر په مقابل کې پاکستانۍ روپۍ 20.73 فیصد غورځېدلې او یو ډالر 60 روپۍ ګران شوی و.
د اقتصادي چارو پوهان وایي په ملک کې د زیاتې ګرانۍ او د تجارتي خسارې له وجې هم پاکستانۍ روپۍ د فشار سره مخامخ ده.
په ستېپټمبر کې د روپۍ په مقابل د ډالر بيعه 307 روپو ته رسیدلی وه خو د مرکزي بينک او حکومت د ګامونو اخستلو وروسته د یو ډالر بيعه 276 روپو ته راکوزه شوې وه. اوس یو ځل بیا ډالر بره ختلی او په انټر بینک مارکیټ کې یو ډالر په 285 روپۍ بدلېږي. د اقتصاد ماهر طاهر امین وايي په پاکستان کې د ډالرو کمی دی.
هغه وايي “په ملک کی ډالرز نشته، او د درامداتو هغه هومره اجازه نه ورکول کیږي. کله چې هم په ایمپوړټس کی اضافه کیږی نو دې دپاره به ډالرز پکار وي او زرمبادله ذخیره د 7 اربه ډالره نه کمه ده نو کله چې ډالر د مارکیټ نه اوځي نو هغې سره د روپۍ قیمت کمیږي”.
د اقتصاد پوهان وایي د پاکستان ترصيلات زر کم دي، بهرنۍ پانګونې هم نه کیږي او د درامدي خام مال د نشتوالي په وجه هم برآمدات په ځای ولاړ دي.
راروان کال په پاکستان کې د نوو عامو انتخاباتو اعلان شوی دی او د پوهانو وینا ده چې د انتخاباتو د اعلان په نتیجه کې به د اقتصاد په برخه کې غېریقیني صورتحال دوامداره پاتې شي.
Forum