د پاکستان حکومتي میديا، ټي وي او ريډیو، وایي امنیتي ځواکونو د ناارمه بلوچستان بولان سیمه کې د وسله والو تر برید لاندې ریل ګاډي او د ناستو مسافرو د خلاصي لپاره عملیات پیل کړي دي.
په مشترکه اعلامیه کې وویل شوو چې یوکرېن رضامندي ښکاره کړه چې د امریکې په تجویز په سمدستي ډول د موقتي وخت دپاره د ۳۰ ورځو ډزبندي عملي کړي
په سوشل میډیا خپل پوسټ کې ټرمپ وویل که څوک د ترهګرۍ او د بې ګناه سړو، ښځو او د ماشومانو د قتل عام حمایت کوي نو د داسې تن "موجودګي زمونږ د قومي او د خارجه تګلارې د مفاداتو خلاف ده او دلته ستا په راتګ هرکلی نیشته. مونږ د امریکې د هر یو کالج او د یونېورسټۍ نه توقعو کوو چې په دې عمل وکړي."
د نړیوالې غېر حکومتي ادارې سېوکس مانیټر رپورټ کې ویل شوې، پاکستان سږکال د کانګو ډیموکراټیک جمهوریت، سربیا او اټلی سره د څار په لیست کې شامل شوی. دا هغه هېوادونه دې چې پکې د خلکو آزادي په چټکتیا سره کمیږي.
د ګل، دوشنبې، په ورځ روبیو د سعودي عرب په ساحلي ښار جده کې د سعودي ولي عهد محمد بن سلمان سره ولیدل. د دې نه مخکې محمد بن سلمان زېلېنسکي سره جدا ملاقات کړی و
د یوناما مشرې خبرداری ورکړ چې په افغانستان کې د طالبان د حکومت سره د نړیوالې ټولنې سیاسي تعامل د لږ پرمختګ سبب شوی خو تر څنګ یې دا هم ویلي چې د طالبانو د حکومت په هکله د نړیوالې ټولنې ناهیلیتوب مخ په ډیریدو دی.
د پاکستان پيپلز ګوند د خېبرپښتونخوا اسمبلۍ غړي د تورخم پولې پرانستو دپاره اسمبلۍ ته قرارداد وړاندې کړی، تورخم دروازه د 21مې فرورۍ راهسې بنده ده، د دواړو خواو ترمنځ شوې جرګې هم تراوسه کومه نتيجه نه ده ورکړې.
د امریکې د صدر ډانلډ ټرمپ انتظامیې د ګل، دوشنبې په ورځ نوی اېپ وړاندې کړی، کوم چې به په غېر قانونه توګه امریکا کې مېشتو بهرنيانو ته، د ممکنه ګرفتارۍ او بندي کېدو په ځای "په خپله د وتلو" لاره يا اجازت ورکوي.
د خېبرپښتونخوا چارسدې ضلعې پولیس وايي، لاره کې د کټ اچولو په سر شخړه شوې، د دوه فريقېنو ترمنځ ډزو کې پينځه تنه وژل شوي او يو بل ژوبل شوی دی. پېښې ته په ټولنيزو رسنيو سخت غبرګون ويل شوی چې پښتانه په وړو وړو خبرو يو بل وژني.
صدر زرداري ويلي، "پارليمان دې د توندروه نظريو، تشدد ملاتړ کوونکو وسله والو د مخنيوي دپاره په اتفاق رای جوړولو کې کردار ادا کړي، نن چې ترهګرو ته بهرنی ملاتړ او پيسې ترلاسه کيږي مونږ په هغې خبر يُو، مونږ به ترهګري پرې نه ږدو چې بيا سر راپورته کړي".
نور کتل
No media source currently available
