د پاکستان د بهرنیو چارو د دفتر ویاندې ممتاز زهره بلوچ د امریکې د بهرنیو چارو د محکمې له لوري پاکستان کې د مذهبي ازادیو په اړه خپور کرل شوی رپورټ له حقیقتونو لرې بللی اؤ ویلي یې دي، پاکستان کې هر تن ته مذهبي ازادي ترلاسه ده.

د زیارت په ورځ رسنیو ته د اوونیز احوال ورکولو په وخت د بهرنیو چارو د دفتر ویاندې ویلي چې د پخواني وزیراعظم عمران خان د ګرفتارۍ په اړه د ملګرو ملتونو د کاري ډلې رپورټ هم غیر ضروري دی اؤ دا چې په پاکستان کې جمهوریت فعاله دی.

تېره اوونۍ د امریکې خارجه محکمې په نړۍ کې د مذهبي ازادیو په اړه خپل کلنی رپورټ خپور کړی ؤ چې پکې پاکستان کې د مذهبي ازادۍ په وضعیت اندېښنه ښودل شوې وه.

رپورټ کې ویل شوي وؤ چې په تېر کال ۲۰۲۳م کې پاکستان کې ۱۶کسان د هغوي د عقیدې له امله وژل شوي اؤ هم په دغه کال کې په پاکستان کې په ۳۲۹ کسانو د مذهب د سپکاوي تورونه لګول شوي دي.

دغه رپورټ ته پخپل غبرګون کې ممتاز زهره بلوچ وویل ، د امریکې دغه رپورټ تر نیمایي زیات ناسم اؤ بې تحقیقه دی اؤ پاکستان کې هر تن مذهبي ازادي لري.

د خارجه محکمې ویاندې وویل پاکستان کې د هر تن د مذهبي ازاۍ د لرلو دا دعوه په داسې حال کې کړې ده چې د جون په 20مه د پنجاب له سيالکوټه سوات ته د سېل لپاره ورغلی تن په مدين سیمه کې قهرجنو خلکو په دې تور وژلی او سوځولی و چې وایي هغه د قران سپکاوی ‏کړی ؤ.‏

پولیسو پخپل ابتدایي رپورټ کې ویلي وؤ وژل شوي تن ورته ویلي، هغه قران نه دی سوځولی اؤ ناحقه تور پرې لګول شوی.

په دوحه کې د افغانستان په اړه د ترسره شوؤ مذاکراتو په اړوند د بهرنیو چارو د دفتر ویاندې وویل،دغه غونډه کې د پاکستان په استازیتوب افغانستان لپاره د پاکستان د ځانګړي استازي اصف دراني په مشرۍ پاکستاني پلاوي ګډون کړی ؤ اؤ اصف دراني د افغان طالب چارواکو سره هم لیدنه کړې ده.

هغه وویل طالب چارواکو سره لیدنه کې د پاکستان استازي هغوي د افغانستان د خاورې څخه پاکستان کې په کېدونکې ترهګرۍ اؤ د افغان خاورې نه د استفادې په اړوند له خپلو اندېښنو خبر کړي اؤ ټي ټي پي ته د افغانستان له خاورې څخه په ورکړل کېدونکې سپورټ یا همکارۍ یې خبر کړي دي.

ویاندې وویل پاکستان د افغانستان له خاورې د ترهګرو په کېدونکي سپورټ یا همکارۍ اندېښنې لري اؤ دوحه کې هم په دې اندېښنو طالب چارواکو سره خبرې شوې دي.

د پاکستان حکومتي اؤ پوځي چارواکي وخت په وخت تورونه لګوي چې ترهګرې ډلې په افغانستان کې خوندي ځالې لري اؤ له هغه ځایه د پاکستان خلاف ترهګري کوي.

په افغانستان واکمن طالب چارواکي بیا د پاکستان دا نیوکې ردوي اؤ وایي د‌ پاکستان لخوا د داسې رقم تورونه مقصد د طالبانو د حکومت د بې ثباته کولو اؤ د مشروعیت نه موندلو هڅه ده .

څېړ‎ونکی وایي د افغانستان په اړوند د دوحې د دریمې غونډې په څنډه کې د پاکستاني چارواکو او افغان طالبانو د پلاوي ترمنځه لیدنه کولی شي په دې ورستیو کې د دواړ‎و ھېوادونو ترمنځه راپورته شوی تاؤ تریخوالی سوړ‎ کړ‎ي خو وایي افغان طالبان به د پاکستان په وینا په ټي ټي پي فشار را نه وړي.

څیړ‎ونکی او خبریال مشتاق یوسفزي وي او ای ډیوه ته ویلي، پاکستان دا ګڼي چې د ترھه ګرۍ مسله په پاکستان کې دہ خو حل یې په افغانستان کې دی۔

مشتاق یوسفزی وایی،افغان طالبان پرون په حکومت کې راغلي دي، پاکستاني طالبان د ھغوي ملګري دي، ھغوی سرہ یې په شریکه جنګونه کړ‎ی دي، که هغوي غواړ‎ی هم خو په دې وخت کې ھغوی د ټي ټي پي خلاف څه نه شي کولی.

د مشتاق یوسفزي په وینا "وجه یې دا دہ چې یو خو هغوی(افغان طالبانو) ته د داعش مسلہ دہ، بل د هغوي اقتصاد دومرہ مضبوط نه دی، بل هغوی سرہ ھغه شان ارمي نشته، نه د ھغوی لا اینډ فورسمنټ ایجنسۍ دومرہ مضبوطې دي بیا د پاکستاني طالبانو طاقت ډیر زیات دی که ھغوی غواړ‎ی هم زما په خیال نو و به نه شي کړ‎ی او غواړي به هم نه ځکه چې دا به دوی دپارہ غټ چیلنج وي."

څېړ‎ونکي وایي پاکستان کې پرله پسې راتلونکي حکومتونه هم د ترھګرۍ د مخنیوي او د وسلوالو خلاف د قوي جګړ‎ی یا د مذاکراتو په اړ‎ہ دوامدارہ تګ لارې نه لري چې له دې امله پاکستان کې یو وارې بیا د ترهګرۍ ستونزې په شدت سره سر راپورته کړی دی

څيرونکې وايي چې په موجوده حالاتو کې د پاکستان تعلقات له افغانستان سره په خرابېدو دي چې نيغ په نيغه اثر به یې د پاکستان او روس ترمینځ د مينځني اسيا د لارې په تجارت وي.

د پاکستان وزيراعظم شهباز شريف د روس د صدر ولادي مير پيوټن سره د چهارشنبې په ورځ د شنګهاي همکارو سازمان په روانه غونډه کې ليدلي او د دواړو هیوادونو ترمینځ د اړيکو د پرمختګ هيلې يي څرګند کړې دي.

شهباز شریف ویلي، جيو پولیټیکل بدلون يا د نورو هيوادونو سره اړيکې زموږ په تعلقاتو منفي اغیزې نه شي کولي .

څيرونکې وايي چې د افغانستان په تناظر کې او د ترهګري د مخنيوي لپاره دواړه هيوادونه د يو بل مرستو ته اړتيا لري.

دپاکسان د اطلاعاتو د وزارت ترمخه وزيراعظم شهباز شريف دغه ملاقات کې صدر پيوټن ته ويلي چې د دواړو هېوادونو تجارت چې دا وخت يو ارب ډالرو ته رسيږي، لا نوره وده موندلی شي که روس د انرجۍ په څانګه کې همکارۍ ته دوام ورکړي.

شهباز شريف دا وړانديز په داسې حال کې کړی چې روسيه د اوکراين د جګړې په سر د يو شمېر امريکاېي او اروپایي بندېزونو سره مخ ده.

څيرونکې وايي چې په موجوده حالاتو کې د پاکستان تعلقات له افغانستان سره په خرابیدو دي چې نيغ په نيغه اثر به یي د پاکستان او روس ترمینځ د مينځني اسيا د لارې په تجارت وي.

د اسلام اباد په قايد اعظم پوهنتون کې د نړیوالو چارو استاز ډاکټر فهیم الله خان ډیوه سره خبرو کې وایي،د پاکستان پاليسي او طريقه غلطه ده خو د پاکستان هدف دا دی چې افغانستان سره تعلقات ښه شي .

د هغه په وینا "او د هغې وجه دا ده چې دا موږ ته هم پته ده چې افغانستان سره ښه تعلق او امن نه علاوه په سيمه او په خاص توګه سينټرل ایشیا، د چائنا او روس سره په سيمه کې تجارت کول ناممکنه ده"

روس تېر کال پاکستان ته په ارزانه بېعه تېل ورکړي وو او لومړۍ سمندري بېړۍ يې د جون په مياشت کې پاکستان ته رسېدلې وه.

د بهر ملکي قرضونو سره مخ پاکستان تېر کال نه وه څرګنده کړې چې روس ته ېې ددغه تېلو لپاره پېسې څنګه ورکړې وې.

نن يو ځل بیا د پاکستان وزير اعظم شهباز شريف د شنګهاي همکارۍ سازمان د مشرانو د شورا غونډې یه په وينا کې ويلي چې بايد افغانستان د ترهګرۍ ضد کوټلي ګامونه پورته کړي چې ځمکه يې د بل کوم هيواد په ضد د ترهګرۍ لپاره ونه کارول شي.

څيړونکي وايي چې د پاکستان په خارجه پاليسي کې بدلون او د روس طرف ته مایله کېدل دا په ګوته کوي چې پاکستان غواړي چې روس هم په طالبانو فشار واچوي چې د افغانستان ځمکه د پاکستان خلاف استعمال نه شي.

د نړیوالو چارو ماهر تیمور خان ډیوه ته وایي "روس بلکل د پاکستان دا مدد کولی شي چې ترهګر تنظيمونو بشمول داعش او ټي ټي پي په افغانستان کې کنټرول کړي ولې چې دا تنظیمونه د پاکستان يا افغانستان لپاره نه بلکې د سيمې د امن لپاره لوي خطر دی"

د شانګهای د همکاریو سازمان په روانه غونډه کې ۱۵ هېوادونو چین، روسیې، هند، پاکستان، قزاقستان، قرغزستان، ایران، تاجکستان، ازبکستان، بلاروس، منګولیا، اذربایجان، قطر، متحده عرب امارات ، ترکیې اؤ د ترکمنستان مشران او استازي ګډون کوي خو د افغانستان څخه پکې طالب چارواکي ګډون نه کوي.

څېړ‎ونکی وایي د افغانستان په اړوند د دوحې د دریمې غونډې په څنډه کې د پاکستاني چارواکو او افغان طالبانو د پلاوي ترمنځه لیدنه کولی شي په دې ورستیو کې د دواړ‎و ھېوادونو ترمنځه راپورته شوی تاؤ تریخوالی سوړ‎ کړ‎ي۔

د افغان د پلاوي مشر ذبیح الله مجاهد په ټولنیزه رسنۍ ایکس خپور کړي خپل یو بیان کې دا لیدنه د دواړو د اړ‎یکو دپارہ مثبته ګټوره بللې ده.

په دې وروستیو کې د پاکستان حکومتي اؤ پوځي چارواکو خپل دا تورونه سیوا کړي چې په پاکستان کې د ترهګرۍ پلانونه د افغانستان له خاورې جوړیږي اؤ ترهګر په افغانستان کې خوندي ځالې لري.

په افغانستان د واکمنو طالبانو حکومت د پاکستان دا تورونه په سختۍ سره ردوي اؤ وایي ترهګري د پاکستان خپله مسله ده.

په دوحه کې د طالب چارواکو سره خبرو کې د پاکستاني پلاوي مشري افغانستان دپاره د پاکستان خصوصي استازي اصف دراني کوله او وېل کېږي چې دراني امید څرګند کړی دی چې طالبانو سره به په رسمي کچه د پاکستان خبرې زر شروع شي.

طالبانو سره د پاکستان د رسمي مذاکرات د شروع کېدو خبره دراني عرب نیوز اخبار سره مرکه کې کړې ده خو نور تفصیل يې نه دی شریک کړی چې د بحث اېجنډا به څه وي.

د ترهګرۍ په سر د طالبانو او پاکستان تعلقات د کړکچ ښکار ګڼل کېږي او د زیارت یا پنجشنبې په ورځ د قازقستان پلازمینه استانه کې د شنګهایي د همکاریو د سازمان سر ټولنې ته وینا کې د پاکستن وزیراعظم شهباز شریف وویل د افغانستان په خاوره کې د ترهګرو ډلې شتون لري افغانستان ته به د ترهګرۍ په ضد کوټلي ګامونه اخستل وي اؤ باید پرې نه ږدي چې خاوره یې د نورو هیوادونو په ضد وکارول شي.

د پاکستان حکومتي اؤ پوځي چارواکو تر دې وړاندې هم څو،څو وارې تورونه لګولي چې ترهګرې ډلې په افغانستان کې خوندي ځالې لري اؤ له هغه ځایه د پاکستان خلاف ترهګري کوي.

خو په افغانستان واکمن طالب چارواکي بیا د پاکستان دا نیوکې ردوي اؤ وایي د‌ پاکستان لخوا په نړیوالو فورمونو د داسې رقم تورونه مقصد د طالبانو د حکومت د بې ثباته کولو اؤ د مشروعیت نه موندلو هڅه ده

د پېښور پوھنتون د جرنلزم د څانګې مشر پروفېسر فېض الله جان وایي،داسی هم نه ده چې ګنې د پاکستان مسله د واکمنو ټولو افغان ډلو سرہ دہ .

وي او ای ډیوه سره خبرو کې هغه وایي"دې وخت کې دا ھم یوہ مسله پاکستان ته مخې ته پرته دہ چې په افغانستان کې په ښکارہ دوہ ډلې دي د طالبانو، او ھغې یوې ډلې سرہ د پاکستان مضبوطې اړ‎یکې دي او دغه مضبوطو اړ‎یکو نه دغه بله ډله چې کوم ده هغه مرورہ ډله دہ، خو مونږ‎ به دې ته ګورو چې د قندهار ګروپ حثیت څومرہ دی سیاسي او بل طرف ته چې دی فوځي حیثیت هغه د ھغوی څومرہ دی"

په دې ورستیو کې پاکستان د ترھه ګرۍ پرضد د نوؤ پوځي عملیاتو پیل کولو اعلان کړی اؤ د پاکستان د دفاع وزیر خواجه اصف د افغانستان په خاوره کې هم د ترهګرو ډلو د په نخښه کولو ګواښ کړی.

د طالبانو د حکومت ددفاع وزارت د خواجه اصف دې بیان ته سخت غبرګون ښودلی ؤ اؤ ویلي یې وؤ چې هر بهرني برید ته به کوټلی ځواب ورکړي.

څیړ‎ونکی او خبریال مشتاق یوسفزی وایي پاکستان دا ګڼي چې د ترھه ګرۍ مسله په پاکستان کې دہ نو حل یې هم په افغانستان کې دی۔

د دوحې د دریمې غونډې په مهال د افغانستان دپارہ دپاکستان ځانګړ‎ي استازي اصف دراني هم په خپله وینا کې دغہ خبری تکرار کړ‎ې وې۔

مشتاق یوسفزی وایی،افغان طالبان پرون په حکومت کې راغلي دي، پاکستاني طالبان د ھغوي ملګري دي، ھغوی سرہ یې په شریکه جنګونه کړ‎ی دي، که هغوي غواړ‎ی هم خو په دې وخت کې ھغوی د ټي ټي پي خلاف څه نه شي کولی.

د مشتاق یوسفزي په وینا "وجه یې دا دہ چې یو خو هغوی(افغان طالبانو) ته د داعش مسلہ دہ بل د هغوي اقتصاد دومرہ مضبوط نه دی، بل هغوی سرہ ھغه شان ارمي نشته، نہ د ھغوی لا اینډ فورسمنټ ایجنسۍ دومرہ مضبوطې دي بیا د پاکستاني طالبانو طاقت ډیر زیات دی که ھغوی غواړ‎ی هم زما پہ خیال نو و به نه شي کړ‎ی او غواړي به هم نه ځکه چې دا به دوی دپارہ غټ چیلنج وي"

څېړ‎ونکي وایي پاکستان کې پرله پسې راتلونکي حکومتونه ھم د ترھګرۍ د مخنیوي او د وسلوالو خلاف د قوي جګړ‎ی یا د مزاکراتو په اړ‎ہ دوامدارہ تګ لارې نه لري.

باجوړ کې په بمي چاودنه کې د پخواني سنېټر هدايت الله د وژنې په ضد نن د زیارت په ورځ په باجوړ کې احتجاجي مظاهره شوې.

احتجاج کونکو غوښتنه کوله چې په پېښه کې ککړ تنان دې ونيول شي او په سيمه کې دې امن پرځای کړل شي.

څيړونکي وايي په خېبر پښتونخوا کې يو ځل بيا د امنيت وضعه خرابه شوي او د ناامنۍ د پېښو یو علت په رياستي پاليسیو بې باوري هم ښودل کيږي۔

د شورو یا چهارشنبې په ورځ د باجوړ ماموند تحصېل کې په ريمورټ کنټرول بمي چاودنه کې د پخواني سنېټر هدايت الله په ګډون درې تنان وژل شوي وو.

د زيارت په ورځ د باجوړ په ناوګۍ سیمه کې ځايي خلکو احتجاجي مظاهره کړې او د رياست نه يې د امن د ټينګښت غوښتنه کړې ده۔

د عوامي نیشنل ګوند وتلي مشر مولانا خانزېب د احتجاج په موقعه وي او ای ډیوه سره خبرو کې وویل، رياست د امن زمه وار دی، خپلې زمه وارۍ دې پوره کړي او خپلې کمزورۍ دې ختمې کړې.

د هغه وینا وه"پکار ده چې دپاکستان او افغانستان په مېنځ کې په رياستي کچه پراخ بنسټه خبرې وشي، سياسي او سفارتي اړيکې دې هغې د پاره وکارول شي، د امن غږ به په دې سيمه کې د ولس لخوا په يو شکل او په بل شکل کې پورته کيږي"

سنېټر هدايت الله په باجوړ کې په ۱۱م جولايي کيدونکو د صوبايي اسمبلۍ ټاکنو کې د خپل واره د کمپېن د پاره ډمه ډولې سیمې ته روان و چې د بمي چاودنې ښکار شو.

د دې بريد زمه واري لا هم کوم وسله وال تنظيم نه ده منلې، پوليس وايي د نامعلومه تنانو خلاف يې ايف ايي ار درج کړس او د لټون عمليات روان دي۔

تر دې وړاندې سږکال د جنورۍ په مياشت کې هم په باجوړ کې ازاد اميدوار ريحان زېب په یو برید کې وژل شوی و، د هغه د وژنې زمه واري داعش خراسان ډلې منلې وه، دغې نه وړاندې تېر کال د جولايي په مياشت کې د جميعت علماء اسلام په سياسي غونډه ځانمرګي بريد شوی و چې زمه واري يې داعش خراسان ډلې منلې وه۔

د باجوړ ځایي خبریال حسبان الله ډیوه سره خبرو کې وایي"د باجوړ الېکشن ته يو خوني الېکشن ويل کيږي، دا اولنۍ پېښه نه ده، هر ځل داسې کيږي، د باجوړ ولس غمژن دی، هر ځاي د امن خبرې کيږي او د پاڅون خبرې کيږي"

په پخواني سینیټر له بريد وروسته د پاکستان پوځ پرون دعوه کړې چې باجوړ کې یې د مهم ترهګر د موجودیت په استخباراتي اطلاع عمليات کړي اؤ د عملياتو په وخت نښته کې یې "مهم ترهګر ‏عرفان الله عرف عدنان وژلی دی"

پوځ ویلي، هغه د امنيتي ځواکونو پرضد يو شمېر ترهګریزو بريدونو، قلنګ اخستو او د عامو خلکو په وژنو کې ککړ او امنيتي ادارو ته انتهايي مطلوب ؤ.‏

څيړونکي وايي په خېبر پښتونخوا او بلوچستان کې د امنيت وضعه خرابه شوې ده.

پاکستان کې د څيړنې او امنيتي مطالعې مرکز سېنټر فار ریسرچ اېنډ سیکيورټي‌سټديز نومې غېر دولتي ادارې ويلي، په تیرو درېوؤ میاشتو کې په ګرد هیواد کې ترهګریزو پېښو کې 92 فيصده مرګ ژوبلې په خېبرپښتونخوا او بلوچستان صوبو کې شوي دي. او په دغه موده کې د پوځ د يو کپتان پشمول 65 پوځیان او دوه پوليس افسر پشمول 31 پوليس اهلکار وژل شوي دي.

څېړونکی شاه رضا شاه ډیوه ته وایي"دا خبره(ترهګري) که مونږ څومره پټه ساتو دا د پاکستان او د عوامو په تاوان ده، خبري سپيني کول پکار دي، د ترهګرۍ ضد جنګ يواځې د پوځ په مټ نه شي ګټل کېدای، عوام به په اعتماد کې اخستل وي چې هغوي اعتماد کې واخستل شي نو دا جنګ ګټل کېدای شي"

په خېبر پښتونخوا کي د وسله والو بريدونه په داسې حال کې سېوا شوي چې حکومت په ۲۲م جون د عزم پاکستان نومې عملياتو اعلان کړی دی.

حکومتي چارواکو ويلي دا عمليات به د استخباراتي معلوماتو په اساس کيږي او د وړاندې نه روانو عملياتو کې به چټکتیا راوستل کيږي۔

د پاکستان وزیراعظم شهباز شریف په افغانستان واکمنو طالبانو باندې ټینګار کړی چې د ترهګرۍ پرضد کوټلي ګامونه واخلي اؤ پرې نه ږدي چې د افغانستان خاوره د نورو هیوادونو خلاف وکارول شي.

د زیارت یا پنجشنبې په ورځ د قازقستان پلازمینه استانه کې د شنګهایي د همکاریو د سازمان سر ټولنې ته وینا کې شهباز شریف ویلي د سیمې د غوره راتلونکي لپاره به مونږ ته ځانونه د جغرافیایي اؤ سیاسي تاؤ تریخوالي نه راویستل اؤ د ترقۍ اؤ خوشحالۍ لپاره په ګډه کار کوي.

څېړونکي وایي د شنګهایي دهمکاریو د سازمان د سر ټولنې په څېر یوه مهمه غونډه کې د پاکستان د وزیر اعظم شهباز شریف لخوا افغانستان کې د ترهګرو ډلو فعالیت ته ګوته نیول د افغان طالبانو د حکومت څخه نوره د پاکستان ناهیلي ښیي.

شهباز شریف پخپله وینا کې یو وارې بیا د افغانستان په خاوره کې د ترهګرو ډلو شتون ته په اشاره وویل ، افغانستان ته به د ترهګرۍ په ضد کوټلي ګامونه اخستل وي اؤ باید پرې نه ږدي چې خاوره یې د نورو هیوادونو په ضد وکارول شي.

د پاکستان حکومتي اؤ پوځي چارواکو تر دې وړاندې هم څو،څو وارې تورونه لګولي چې ترهګرې ډلې په افغانستان کې خوندي ځالې لري اؤ له هغه ځایه د پاکستان خلاف ترهګري کوي.

خو په افغانستان واکمن طالب چارواکي بیا د پاکستان دا نیوکې ردوي اؤ وایي د‌ پاکستان لخوا په نړیوالو فورمونو د داسې رقم تورونه مقصد د طالبانو د حکومت د بې ثباته کولو اؤ د مشروعیت نه موندلو هڅه ده .

اسلام اباد کې میشت په افغان چارو ژور نظر لرونکی خبریال ښاغلی طاهر خان وایي،هسې خو د پاکستان دا دریځ دی چې د افغانستان خاوره د پاکستان خلاف استعمالیږي اؤ وخت په وخت د پاکستان حکومتي اؤ پوځي مشران دغسې بیانونه ورکوي خو دا چې اوس وزیر اعظم پخپله په نړیوالو فورمونو داسې بیان ورکوي نو دا د طالبانو د حکومت نه د پاکستان ناهیلي ښیي.

ډیوه سره خبرو کې ښاغلی طاهر خان وایي " دا چې د یو هیواد مشر لکه وزیراعظم شهباز شریف افغانستان څخه د ترهګرۍ خبره د شنګهایي همکارۍ د سازمان په غونډه کې کړې ده، چې هلته د نورو مهمو هیوادونو لکه د چین، دمرکزي اسیاء د اکثره هیوادونو ، بیا د هندوستان مشران اؤ پلاوي پکې وؤ، نو معنا یې دا ده چې دا د طالبانو دحکومت څخه د پاکستان هغه ناهیلي اؤ مایوسي ښیي"

وزیراعظم شهباز شریف پخپله وینا کې ویلي چې د ریاستي ترهګرۍ باید په کلکه غندنه وکړل شي .

هغه زیاته کړه چې د افغان ولس د ستونزو د هواري لپاره به د لنډ مهال افغان حکومت سره مقصدي خبرې اترې کول وي اؤ افغان (دطالبانو)حکومت ته به د ترهګرۍ خلاف موثر ګامونه اخستل وي.

د شهباز شریف په وینا د تبصرې کولو ترڅ کې خبریال طاهر خان ډیوه ته وویل، ډیر هیوادونه اکثره د ستونزو د هواري لپاره په دوه اړخیزه توګه هڅې کوي خو چې کله دغه هڅې نتیجې یا پایلې ور نه کړي نو بیا یو هیواد مجبور شي په نورو فورمونو ستونزې راپورته کړي.

طاهر خان وایي، پاکستان کې چونکې امنیتي وضعه ښه نه ده ، د باجوړ تازه حمله د هر چا مخې ته ده نو ځکه د پاکستان وزیراعظم د شنګهایي د همکاریو د سازمان غونډه کې افغانستان کې د ترهګرو ډلو فعالیتونو ته اشاره کړې ده.

هغه وایي عموماً په داسې مهمو غونډو کې دداسې بیانونو تر شا نورو مشرانو ته یو پېغام هم وي تر څو د نړۍ د نورو هیوادونو ملاتړ خپل موقف ته ترلاسه کړي اؤ یقیناً چې دا به هم د پاکستان د وزیراعظم یو خواهش ؤ.

د نوموړي په وینا ،په دې غونډه کې د شریکو هیوادونو څخه دچین،روس طالبانو سره ډير ښه تعلق دی،د مرکزي اسیا د ځېنو هیوادونو ازبکستان اؤ قزقستان هم ورسره ښې اړیکې دي نو ځېنې وخت کې دا یو میسیج هغوي ته هم وي تر څو په افغان طالبانو باندې یو فشار راشي چې ټي ټي پي د پاکستان په ضد د فعاليتونو نه منعې کړي