د اټلي سرکاري وکیلانو په یو بیان کې وویل تحقیق کوونکو داسې شواهد راټول کړي دي چې په ترکي او عراق کې یو مجرمانه تنظیم وجود لري، په اټلي، فرانس او یونان کې يې څانګې دي او د سمندر دلارې د غېرقانوني کډوالو د حرکت انتظام کوي
د قاضيانو نړيوالې ادارې يا انټرنېشنل کمېشن آف جيورسټ د پاکستان د پارليمان څخه د 26م اييني بدلون منظوري د دې هېواد د عدليې په خپلواکۍ، د قانون په حکمرانۍ او د بشري حقونو په ساتنه ګوزار ګرځولی دی. خو حکومت دا د ميثاق جمهوريت د تصور پوره کېدل بولي.
خېبرپښتونخوا کې د پاکستان تحريک انصاف د حکومت وزيراعلا علي امين ګنډاپور ويلي، که د سپريم کورټ سينير جج چيف جسټس جوړ نه کړی شو، تحریک انصاف به احتجاج کوي.
د خېبرپښتونخوا په مردان ښار کې دوه نرښځيان د خنجر، تُورې په ګوزارونو وژل شوي دي، پوليس وايي د پېښې مقدمه درج کړل شوې او پلټنې پيل کړل شوي دي.
امریکې د ګل، دوشنبې په ورځ د 24 نه زياتې کمپنیانې په تور فهرست کې اچولي، په دوی تور دی چې د پاکستان او ايران د وسلو او ډرون پرمختيايي پروګرام ملاتړ کوي، په دوی دا تور هم دی چې اوکراين کې د روس د جګړې د هڅو مرستې کوي.
د قامي اسمبلۍ سپیکر ایاز صادق د نوي چيف جسټس د ټاکنې دپاره ځانګړې پارليماني کميټي جوړه کړې ده. ويل شوي کمېټۍ نن د نهې، سه شنبې په ورځ مازيګر څلور بجې غونډه رابللې ده.
د خېبر پښتونخوا د خزانې محکمې شمېرې ښيي چې په تېرو 14 کلونو کې د ترهګرۍ مخنيوي او د دې پرضد جنګ دپاره د مرکز له خوا صوبې ته نزدې 500 اربه روپۍ ترلاسه شوي دي. څيړونکي وايي، د فنډونو ترلاسه کېدو باوجود هم د ناامنۍ سېوا کېدو لوی علتونه د وسله والو په مقابل کې د پوليسو د توان او جديدې وسلې کمښت دی.
د پاکستان صدر اصف علي زرداري په 26م اييني بدلون دستخط، لاسليک کړی دی. پاکستان کې 26م اييني بدلون پرون اول د برني اېوان سېنېټ او بيا د شپې ناوخته د قامي اسمبلۍ نه منظور کړل شوی وو.
په افغانستان کې واکمنو طالبانو د داعش ډله د "فتنه ګرو وحشي ګروپ" په نوم ياده کړې او ويلي يې دي، د "مينځه یې وړې" ده. د طالبانو وياند بيا دعوه کړې، د دغه ګروپ د پاکستان بلوچستان صوبه کې "د داعش له مرکزونو څخه مستقيما رهبري کېده".
د خېبرپښتونخوا په جنوبي ضلعه بنو کې ولسي پاڅون شوی، ځايي خلکو احتجاج کړی او د پرلت کولو یې ويلي دي، دوی وايي د جولای په مياشت کې چې ورسره د صوبې وزيراعلا د کومو خبرو ژمنې کړې وې په هغو کې په يوه هم عمل نه دی شوی، بلکې د سيمې د خلکو ځورول نور سېوا شوي دي.
نور کتل
No media source currently available
