د خېبرپښتونخوا صوبې د ژغورنې ادارې [رېسکيو 1122] 48 کارمندان او د دغه ادارې 18 ګاډي او ورسره 24 پوليس اهلکار د پينځم اکتوبر څخه د اسلام اباد پوليسو سره او جېل کې بندي دي، دا هغه کسان دي چې د پاکستان تحریک انصاف ګوند لخوا اسلام اباد کې اعلان شوي احتجاجي قافلو سره تللي وو.
د خېبرپښتونخوا اسمبلۍ کې د څاروو يا ځناورو د خېر ښېګړې دپاره قانوني مسوده منظوره کړل شوې، چې د څاروو سره ناوړه چلند، ظلم زياتي او غفلت مخه ونيول شي. قانوني مسوده کې د بند او جرمانې سزاګانې مقرر کړل شوي دي.
خېبرپښتونخوا صوبه کې پرله پسې په دويمه ورځ امنيتي ځواکونه په نخښه شوي، په قبایلي ضلع شمالي وزیرستان کې د امنیتي ځواکونو پر پوسته ځانمرګی برید شوی، د څلورو پولیس او دوو پوځيانو په ګډون پکې اته کسان وژل شوي او ګڼ شمېر نور ژوبل دي.
خېبر پښتونخوا کې په تيرو 24 ساعتونو کې په وسله والو بريدونو او نورو پېښو کې د 17 امنيتي اهلکارو په ګډون لږ تر لږه 24 تنه وژل شوي دي. د ناامنۍ نزدې لس پېښې شوي او نهه پکې په جنوبي ضلعو کې ترسره شوي دي.
پاکستان کې د چين سفير جيانګ زيډونګ ويلي، د چين پاکستان اقتصادي راهداري، سي پېک پروژه يو نوي پړاو ته داخله شوې، مرستې تر الېکټرک ګاډو او توانايۍ په څېر شعبو پورې پراخې شوي، خو ورسره نوموړي پاکستان کې د چينايي وګړو د خونديتوب سېوا کولو د هڅو ټينګار کړی دی.
پاکستان کې د پوليو پېښې کېدل دوام لري، تازه د بلوچستان لورالايي ضلعه کې ماشوم پوليو وهلی دی، د پوليو مخنيوي پروګرام وايي، په اتم اکتوبر دغه ماشوم معذوره شوی او پرون یې تصديق شوی چې پوليو وهلی دی.
د حکومتي شميرو له مخې په کال 2022 کې د موسمياتي بدلون له کبله د رامنځته شوو سېلابونو له امله ملک کې 1700 کسان مړه شوي وؤ ، نزدې 3 نيم کروړه خلک یې ځپلي وو او بنيادي اډانې، فصلونو او څاروو ته یې د 30 اربه ډالرو نقصان اړولی و
د خېبرپښتونخوا په لکي مروت او په ځینو نورو سیمو کې په وروستۍ موده کې کالعدم تحریک طالبانو پاکستان، ټي ټي پي، په امنیتي ځواکونو د ځینو حملو ذمه واري منلې ده
جسټس فایز عیسا په کوټه کې پېدا شوی دی. کوټه کې د ابتدايي تعلیم نور سبق يې کراچۍ کې وېلی دی. هغه د کارپورېټ یا د کاروباري څانګې مشهور وکیل ګڼل کېدو او په مقدمو کې د هغو ججانو مخې ته نه و پېش شوی چې د کال ۲۰۰۷ د اېمرجنسي ضابطو دلاندې يې سوګند پورته کړی و
په کال 2021 کې د اوبو د وسايلو مرکزي وزارت د پاکستان سینیټ ته په يو رپورټ کې ويلي وؤ چې د خېبرپښتونخوا په پنځوؤ ضلعو کې په تيرو لسو کالو کې د اوبو کچه 25 فټه نه تر 75 فټه لاندې تللې ده
ای ایف پي خبري شبکې د سعودي د ایس پي اې خبري اژانس په حوالې ورکولو سره ویلي چې د چهارشنبې په ورځ د مرګ سزا سره مخ شوؤ پینځوؤ کسانو باندذې د نشه اي موادو د قاچاق جرم ثابت شوی ؤ
نور کتل
No media source currently available
