په ټوله نړۍ کې جمهوریت، شهري ازادۍ او بشري حقونو ته په ورپېښو خطرو نظر لرونکي غېر دولتي نړیوال تنظیم فريډم هاوس په خپل کليز رپورټ کې ويلي، د جمهوري او شهري ازاديو په لحاظ پاکستان په جزوي توګه ازاد هېواد دی او پاکستان په نړيواله درجه بندۍ کې درې درجې نور لاندې راغلی دی.
پاکستاني چارواکو ويلي، په ليبيا کې د کشتۍ ډوبېدو په پېښه کې د مړه شوو شپږو نورو پاکستانيانو مړي پښتونخوا ته راوړل شوي دي. د پاکستان مرکزي وزير رياض حسېن پيرزاده ويلي، د نورو مړه شوو جسدونه به هم زر وطن ته بيرته راوړل شي.
د افغانستان او پاکستان ترمنځ د تورخم لاره چې د جمعې په شپه تړل شوې، تراوسه تړلې پرته ده، دواړو خواو ته په لويه شمېره کې مسافر او ورسره مال وړونکي ګاډي ایسار شوي دي. په پوله ګېر خلک وايي، دواړه هيوادونه یې خپلمنځني ستونزه هواره کړي، د عامو خلکو او سوداګرو مشکلات دې ختم کړي.
د کوټې پښتو اکېډمۍ مشران وايي، د کوټې مرستيال کمېشنر، ډي سي په غېر قانونه توګه د پښتو اکېډمۍ تړلې، سيل کړې ده. مرستیال کمشنر د اکېډمۍ تړل منلي دي.
د پښتون ژغورنې غورځنګ، پي ټي اېم مشران وايي، د پښتنو د حقونو لپاره راپورته شوی دا غورځنګ په وروستيو کې یو ځل بیا د ریاستي ادارو د سخت فشار لاندې دی. دوی وايي د تېرو څو اوونیو راهیسې د غورځنګ پر فعالانو چاپې وهل کيږي او ګڼ شمېر غړي یې نيول شوي دي.
پاکستان او روس د سه شنبې یا نهې په ورځ موافقه کړې ده چې د ترهګرۍ او مخدره موادو پر ضد مبارزه کې به خپلې دوه اړخیزه همکارۍ لا پسې پراخوي.
د تورخم دروازه په څلورمه ورځ هم بنده پرته ده، خو د پولې بندېز په اړه پاکستاني چارواکو او افغان طالبانو ترمنځ ناسته کې ویل شوي، پاکستان به خپلې غاړې ته په تورخم کې هيڅ نوې پوستې يا ودانۍ نه ده جوړه کړې او که په شته ودانيو کې څه کار کېږي نو بل لوري ته به دغه معلومات د وړاندې نه ورکولی شي.
نور کتل
No media source currently available
