مولوي عبدالکبیر د افغانستان د ګاونډیو ملکونو نه دغه غوښتنه په کابل کې د ایران سفیر علیرضا بېګدلي او د پاکستان ناظم الامور عبیدالرحمان نظاماني سره په جدا جدا ملاقاتونو کې وکړه
پاکستان وايي، د امریکې د صدر ډانلډ ټرمپ د دغه اعلان ستاينه کوي چې نوموړي ويلي، افغانستان کې د امریکې پاتې شوې وسلې او نور سامانونه اوباسي.
خېبرپښتونخوا کې د پاکستان تحريک انصاف ګوند حکومت او مرکز کې د پاکستان مسلم ليګ ن حکومت په يو بل تورونه لګوي، چې پښتونخوا کې د ترهګرۍ په لړ کې خپلې زمه وارۍ نه پوره کوي.
د پاکستان مرستیال وزیراعظم سره د امریکې د ملي امنیت د سلاکار ټيلي فوني اړیکه،د صدر ټرمپ له لوري یې ورته مننه کړې
د امریکې د انصاف وزارت د بیان ترمخه، د اېف بي ايي سره مرکه کې شریف الله اعتراف وکړو چې د کراکس هال ځینې حمله کوونکو ته يې د کلاشنکوف د استعمالولو چل ښودلی و او د ګرفتار شویو کسانو څخه يې دوه هغه کسان پېژندل چې د کلاشنکوف چل يې ورته ښودلی و
د امریکې صدر ډانلډ ټرمپ د نهې، سه شنبې، په ماسخوتن د امریکې د کانګرس مشترکه غونډې ته تقریر کې د شریف الله د ګرفتارۍ اعلان وکړو او د پاکستان شکریه يې ادا کړه چې د وسله وال په ګرفتارۍ کې یې مرسته کړې ده
د افغانستان او پاکستان ترمنځ د تورخم په پوله نن په پينځمه مارچ يو ځل بيا نښته پيل شوې، د دواړو خواو نه سپکې او درنې وسلې کاريږي، پاکستاني لوري ته د تورخم باچا مينې ځايي خلک وايي د ډزو له امله خوندي ځايونو ته د منتقل کېدو په هڅه کې دي.
د پاکستان پوځ وايي، پرون په څلورم مارچ چې د بنو په پوځي چاوڼۍ کوم بريد شوی، د بريد کوونکو سره نښته کې د پاکستان د پوځ پينځه عسکر وژل شوي او بريد کې 13 ملکي وګړي وژل شوي او 32 نور ژوبل شوي وو. پوځ په بريد کې د افغان وګړو د ککړتيا دعوه هم کړې ده.
د پاکستان وزيراعظم شهباز شريف وايي، "مونږ د امریکا د صدر ډانلډ ټرمپ مننه کوو، چې په ټوله سيمه کې یې د ترهګرۍ ضد جګړه کې د پاکستان د رول او ملاتړ ستاينه کړې ده".
نور کتل
No media source currently available
