د پاکستان بلوچستان صوبه د یوې اوږدې مودې راهسې د ناکرارۍ سره مخ ده اؤ دغلته که یو خوا د ریاست نه مرورې بلوڅ وسله والې ډلې وخت په وخت په امینتي ځواکونو مرګوني بریدونه کوي نو بلخوا د صوبې د حقونو په غوښتنه اؤ د جبري بې درکیو په ضد سیاسي ګوندونه اؤ مدني ټولنه هم په احتجاج بوخت دي
د جمعې په ورځ اډیاله زندان کې خبریالانو سره غیر رسمي خبرو کې عمران خان ویلي هغه د علي امین ګنډا پور لخوا افغانستان سره د خبرو اؤ د امن ټينګولو د هڅو ملاتړ کوي
سياسي او ټولنيز فعال مولانا خانزېب ډیوه سره خبرو کې وایي"دلته د استخباراتي ادارو، انټېلجنس نظام او د رياستي ادارو ناکامي راغلې ده، ولسونو کې قهر دی، غصه ده، او د هغه قهر او غصې د اظهار په توګه باندې نن د حاجي لونګ لاره باندې دا ولس ناست دی
د امریکې د بهرنيو چارو وزارت د زيارت/پنجشنبې په ورځ د چین يو څيړنيز انسټيټيوټ او څو کمپنيانو بنديزونه لګولي دي، د چا په اړه چې ويل کيږي د پاکستان بېلسټک ميزايل پروګرام دپاره یې په سازوسامان ورکولو کې لاس لرلو.
د خېبرپښتونخوا د لکي مروت ضلعې پوليس وايي، تېره شپه ناوخته یې د لوړ پوړو چارواکو سره خبرې کاميابې شوي او دوی ته د دوی د غوښتنو منلو باور ورکړل شوی، له هغې وروسته یې احتجاج ختم کړی دی، خو ورسره یې ويلي، که د غوښتنو تړون عملي نه شو بيا په اتفاق سره بله فيصله کوي.
د خېبرپښتونخوا وزيراعلا علي امين ګنډاپور په افغانستان کې د واکمنو طالبانو د پېښور کونسل جنرل محب الله شاکي سره د سيمې په امنيت، دوه اړخيزه تجارت او صوبه کې افغان کډوالو ته د ورپېښو مسلو سره په نورو موضوعاتو غږېدلي دي.
د پاکستان د دفاع وزير خواجه اصف د خېبرپښتونخوا صوبې د وزيراعلا علي امين ګنډاپور د بيان په غبرګون کې ويلي، يوه صوبه په خپل د کوم ملک سره نېغ په نېغه مذاکرات نه شي کولی.
د امریکې مشر سرکاري وکیل، یا څارنوال، مېرېک کارلېنډ، په بیان کې وویل د مرچنټ خلاف د ترهګرۍ او د قتل الزامات څرګندوي چې امریکا به د هغه خلکو احتساب کوي چې د امریکایانو خلاف د ایران "مهلک سازشونه" عملي کوي
اسلام اباد هاىکورټ د پخواني وزیر اعظم عمران خان په ممکنه توګه په پوځي عدالت کې د محاکمه کولو په اړه د وفاقي حکومت څخه سپيناوی غوښتلې او امر یې کړی چې حکومت دې په څلورو ورځو کې دننه عدالت کې ځواب جمع کړي.
د خېبرپښتونخوا په بنو ضلعه کې نامعلومه وسله والو د پوليو په ټيم ډزې کړي، ساتونکی پوليس اهلکار یې وژلی، او د بنو پوليسو بيا د پېښې پرضد احتجاج کړی دی. بل لور ته د بنو سره په پوله پرتې ضلعې لکي مروت کې په څلورمه ورځ د پولیسو احتجاج دوام لري.
د توهين رسالت يا مذهب د سپکاوي په مقدمه کې يو تورن تن چې د کوټې په تاڼه کې بندي وو، د تاڼې يو پوليس عسکر پرې په حوالات کې دننه ډزې کړي او دغه تورن تن یې وژلی دی. اسلامي نظرياتي کونسل وايي په داسې ډول پېښو کې، "چې څوک وسله راواخلي او په خپل سر اقدام وکړي، د دې جواز نه شي وړاندې کول کېدی".
نور کتل
No media source currently available
