د ار اېس اېف د اېشیا د څانګې مشرې سسېلیا مرسر وویل په پاکستان کې د مطبوعاتو د ازادۍ ګڼ شمېر خلاف ورزۍ د تشدد ماحول او د سېنسرشېپ عزم څرګندوي چې د سیاسي پارټیو د انتخابي منشورونو او د صحافیانو ملاتړ په اړ د وزیراعظم شهبازشریف د بیانونو سره سمون نه خوري
اسلام اباد هايکورټ د مرکزي حکومت لخوا د پخواني وزيراعظم عمران خان ضد پوځي عدالت کې ممکنه اورېدنې په اړه جمع کړل شوی ځواب رد کړی او مرکزي حکومت ته یې په يوه اونۍ کې د ډاګيز دريځ جمع کولو دپاره وخت ورکړی دی.
د خېبرپښتونخوا په نوښار ضلعه کې د قران د سپکاوي کولو په تور يوه ښځه نيول شوې، مقدمه پرې درج کړل شوې او جېل کې بندي کړل شوې ده، له دغې پېښې دوه ورځې وړاندې د بلوچستان صوبې په سر ښار کوټه کې د توهين رسالت په تور بندي تن، په تاڼه کې دننه د يو پوليس اهلکار په لاس وژل شوی وو.
د پاکستان حکومت د پټرولو او ډيزلو قيمتونه راکم کړي، پټرول لس روپۍ او ډيزل 13 روپۍ او شپږ پېسې ارزان کړل شوي دي. نوي قيمتونه نن د 16م ستمبر څخه عملي دي.
د پاکستان د قامي اسمبلۍ او سېنېټ غونډې تېره شپه د څو ساعتونو د وروسته والي پس رابلل شوې، خو د پيل کېدو وروسته يواځې څو دقيقي، منټونه پس د قامي اسمبلۍ غونډه او بيا د سېنېټ غونډه نن د ګل، دوشنبې د غرمې پورې ځنډول شوي دي.
نور کتل
No media source currently available
